最近家姐嘲笑我，話我最終個花蓮blog blog都係爛o左尾，我唔憤氣丫﹗所以決定今日為佢畫番完美o既句點~
一日之初始於…食個靚早餐﹗特別係去到美食王國台灣喎~頭三日o既早餐都係老闆佢o地為我o地決定o既，最尾呢日，陳先生問我想食咩做早餐…我諗都唔駛諗就決定要食…
蛋餅﹗記得上次去完印度o個次咪飛台北玩o左三日o既，其中一日就食o左美味o既蛋餅，煙煙靭靭的，入面夾住鹹鹹o既內餡，讚呀﹗今次我o地有兩款味道，係粟米同埋…oops，太耐了，唔記得o左另一款係咩添…又冇影到相…
anyway，食飽之後我o地就出發啦，今日活動都算係花蓮o既重點活動，睇旅遊書見到話「賞鯨」喎，仲唔興奮到發晒狂？
民宿老闆安排我o地去賞鯨，原來我o地係join一個local tour，因為去賞鯨o既船公司有好多o架，呢間而家收費比起旅遊書寫o既要平唔少~我o地係民宿門口上o左車之後，仲要去第D地方接埋其他人先去上船~
o黎到出海o既碼頭lu，果然賞鯨係出名o既呢，連鯨魚o既雕塑都有~
bye bye花蓮港~
呢個「高高在上」o既人兄好重要呢，表面上佢係導遊，講解俾我o地聽鯨豚o既種類，佢o地o既生活、習性，事實上佢係一個「雷達」，目的希望第一個發現海上o既鯨豚，馬上叫大家望過去睇﹗
船上o既團友們~扶老攜幼呢，都有好多小朋友，做父母o既真係要攬實D小寶寶呀，因為架船真係好大浪，一個唔小心會跌落海﹗隻船有兩層，我o地揀o左上層，諗住視野好D~原來坐上層都會全身濕晒o架﹗
又係美麗o既三色海太平洋呢~
影呢張相其實係要炫耀一下我o既大sony相機﹗係有佢先可以zoom架戰機zoom得咁近又咁清，俾著一般o個部機，可能只係影到一點o野呢~
坐到咁上下，大家都開始暈船了，有人仲拎住個膠袋係度大嘔特嘔添，我都nauseated o架~因為真係好大浪，個颱風進攻緊埋o黎丫嘛~究竟幾時先見到鯨豚呀？
出現了﹗出現了﹗結果首先發現海豚o既唔係「高高在上」o個位，而係一位普通o既先生呢~開始時只見到兩條，大家已經興奮到發癲了~
後來真係多到o黎晒譜，四面八方都有﹗
真係一群一群o架~呢張我用o左o黎做background呢~
個guide話有成幾百條喎~
諗住既然有咁多海豚，咁加埋個人落去隨便影都應該可以同海豚合照啦…點知…失敗o左添…:p
我o地就係著住呢D救生衣了~
用船合照~
哇，成身濕晒呀~
番去民宿換件衫，hea一陣(+ 食埋未食完o既tiramisu﹗哈~原來tiramisu雪到凍冰冰都幾好味喎~)都要番香港lu~
陳先生送我o地去火車站﹗
買o左豐富o既便當之後就上火車lu，搭番去台北﹗愉快o既旅程到尾聲啦~
不過衰收尾呢…我o地趕緊去買杯白色珍珠奶茶，諗住時間都好充裕嘛…點知大大大大大塞車呀~去到桃園機場時，距離飛機起飛只剩45分鐘﹗未試過趕成咁~又好好彩喎，架飛機delay o左~多謝爸爸咁夜都過o黎機場接我呢~
待續
前往其他台灣旅遊blog