三日中o既最後一日lu~我o地個plan係去澳門逛一逛﹗其實對於去澳門，只有我同媽比較熱烈，上一次我o地去澳門時我都未成年，入去個賭場都仲係偷偷摸摸，咁樣計一計都有六年冇去過澳門lu~呢幾年間起o左好多新賭場呢~雖然我o地都唔係「好賭之徒」，但都好有興趣參觀下o個D華麗o既賭場o既~
呢兩晚住係珠海渡假村，兩個早上都有得食自助早餐，中西式都有，umum…味道唔係特別特別好，不過坐得都幾舒服o既~記得呢一朝我o地隔離枱坐o左一個鬼佬，佢應該係學o左D中文好想練習下吧，佢不斷同個waitress講D嘰呢咕嚕o既中文，聽到個waitress一頭霧水呢~唔知俾著我去西班牙講西班牙文，D人聽落去會唔會都係咁呢？
我o地過到去澳門之後第一站去威尼斯人，heehee，因為係邊境有免費巴士接送﹗
真係好豪華呢~
而且有D裝模作樣o既壁畫~
去到威尼斯人，點都要睇下條運河啦，不過就唔會坐D船仔喇，真係超級貴喎~成百幾蚊一個人坐得o個十幾廿分鐘~不過留番D彈藥第時去到真o既威尼斯先坐…
後來我o地係個商場度逛下街啦~都有好多唔同級數o既鋪頭，不過買o野就冇乜喇~
我提議請食自助餐﹗一方面我o岩o岩畢業，第一次賺(咁多)錢，二來差不多到爸媽結婚29週年紀念，擇日不如撞日，就今日去食啦﹗呢度又有多間靚靚餐廳喎~結果我o地揀o左呢間「渢竹」，專食亞洲菜o既自助餐~
坐得好舒服o架，所有位都係梳化軟軟椅﹗食物選擇唔係特別特別多，又唔係太多係D名貴產品，不過樣樣食物都好有質素~值得一試﹗
都影一影酒店外觀啦~附近仲有好多地盤將要起更多o既酒店賭場呀，澳門真係會越o黎越似las vegas~
下一站原本諗住去漁人碼頭o架，我o地坐o左另一架免費車過去o個邊，點知一落車就落傾盆大雨﹗大到擔住遮都會濕o個種程度呢，唯有放棄啦~於是我o地就直接去大三巴o個邊lu~
話晒都係landmark，點都要影張相o既~o個日遊客都好多呢~而家除o左可以係正面影樣之外，仲可以去到「牌坊」o既背脊，有D小小展館可以參觀~
正值奧運前席，澳門同香港一樣，當然度度都充滿住奧運氣氛啦~我揀o左馬術o既歡歡o黎影相﹗仲有好多其他項目o架~
雖然有得唱「咀香園，咀香園，買手信，買手信…啦啦啦…大家高高興興買手信…啦啦啦」，但我o地都係買o左鉅記…成條街有成三間分店，好難唔幫襯o架喎~而且食物o既質素的確有保證﹗
我o地之後都差唔多番過去珠海搭船番香港lu~大家都好累咯~其實都仲有時間，不過我o地都係決定係渡假村坐到夠鐘就算數~
三日o既relax行程就完滿結束啦﹗
前往其他中國旅遊blog