其實呢一日o既上晝都有精彩o既事發生,不過仲未download到D相相,我寫住下半部先啦~
大概黃昏左右,我就由家姐屋企出發,會合埋day,之後再join埋爸媽,一齊出發去維園,今晚同婆婆o個邊o既大家族食團年飯,既然過到海咯,我就誠意邀請佢o地一齊去逛維園年宵~因為我爸好怕逼人o架,所以要保證呢D早D o既時間唔會太多人,先可以成團~呢幾日又落毛毛雨,幾驚因為天氣唔好,被逼放棄呀~好在最後都ok~
由天后站落地鐵之後行過去,首先見到奧運福娃o既展覽~等我同day同貝貝合照先~
行入去年宵市場lu,人都唔係好多~
爸話肚子餓嘛,我o地又未有耐食飯,所以諗住買D小食~見到呢個新奇o既「炸可樂」,就買o黎試下o羅~其實所謂o既炸可樂,係一D炸o左o既脆脆,淋上可樂味o既糖漿同埋cream~幾新奇o既,味道就…一般般啦﹗
照舊的有好多吹氣玩具,當中都有追上潮流o既wii手掣﹗
其他乾貨,有呢個day最欣賞o既鼠鼠風車,你拎住跳下跳下的話,隻鼠鼠o既「V手勢」會上下郁動o架~o黎緊鼠年嘛,梗係有D以鼠做主題o既東東啦,不過我總係覺得,乾貨方面好似冇舊年豬年咁吸引?﹗
行完乾貨睇花花,我o地關注o既,當然有水仙啦,因為屋企都切o左水仙頭,但因為天氣太凍,生長情況未如理想~人o地professional o既都差不多,我o地屋企o既嘛,就最多趕唔切年初一開花o者,人o地做生意o既就慘慘lu,未必可以好似往年咁好賣…
好開心呀,有得同我最愛o既屋企人同埋最愛o既day一齊行花市實在太幸福了~
為o左證明今年係鼠年,影個鼠年新年裝飾先~
行到咁上下我o地就過去酒樓啦~(雖然中間有D阻滯,但蝦碌o既o野都係唔好仔細描術出o黎了,正如我公公所話o既,「臭屎密蓋」丫嘛~呵呵~)
維園真係多野睇好多喎. 我去過旺角0個個都冇咁多野睇.
哈哈, 「臭屎密蓋」…….好搞笑呀!
[版主回覆02/21/2008 12:05:00]replied
今年又凍,又有雨,我都怕去逼逼逼,所以完全冇行花市呢!
咁你最後冇乜啲咩收獲咁呀?
[版主回覆02/21/2008 12:05:00]replied
Re uHnsUi:
你下年都去下逛維園啦,應該比其他年宵多D新穎o既東東~
Re墨西:
係維園呢日又冇喎,乾貨冇睇o岩,濕貨嘛,之後又仲有地方去~反而再去行屯門花市o個日就買o左花同埋賀年小食~