今日雖然去11:00am彌撒，但好早就要出門口啦，今日係聖堂一個大日子，我o地親愛o既金容載神父要離開我o地o既堂區lu~大家為o左佢預備o左盛大o既歡送會~我o地孝女會要主持一個環節，而家姐亦被邀請參與另一項表演~
yup﹗家姐被貞德邀請o左跳韓國舞呀，金神父係韓國人，呢個舞蹈表演項目就挑選o左佢o既「家鄉舞」作為演出﹗我9:30am就番到聖堂，幫佢o地手set頭lu，不過到頭來只有amy個頭係由我全權負責呢…因為仲有其他o野要預備，太忙碌了﹗
11:00am彌撒…犀利咯﹗金神父不嬲都係人氣高企，無論係邊度﹗佢o黎到香港第一個服務o既堂區就係柴灣o既海星堂，今日海星堂都有成二、三十個教友o黎o左呀~又有D屯天o既中學生，所以彌撒要好似子夜彌撒咁，係雨天操場度現場直播~領聖體時大家都湧向金神父o個條隊…太誇張了﹗我就冇咁瘋狂，不過確實呢，贖世主堂冇o左金神父真係好可惜呢~
彌撒遲o左好多完，都要超過12:30pm先開始歡送會呀~司儀開始介紹今日o既環節了﹗
睇一睇主角先﹗哎吔，張相濛o左少少…最前面o個個咪係金神父o羅~
第一個表演節目係家姐有份o既韓國舞~當然有呢D標準排位動作啦~
等我幫家姐影多D相先~左邊o個個係佢代女呀~我o地姨媽係我o地領洗時o既代母，咁amy咪即是…大姨o既代孫乎？﹗
之後就到我o地孝女會o既環節lu，不過冇交低我部相機呀，反而冇自己D相添~我o地預備o左個問答遊戲，有10條關於金神父o既問題，真係估唔到D教友們，無論大人定小朋友，都咁熱烈舉手答問題喎~(我爸都有舉﹗heehee~)多謝支持~比起其他青年善會，我o地呢個節目都特特地別o架~
多青表演o左一個話劇，都幾好睇喎~耶穌教訓我o地，為最小o既一個所做o既，就係為佢做o既~呢個現代版o既話劇就帶出呢個訊息喇﹗
謝幕~又有周姐姐反串「金神父」o既角色呢~
青苗歌詠團當然表演唱歌啦~
金神父當然都有預備唱歌俾我o地聽啦﹗除o左佢o既首本名曲「愛是永恒」之外，佢仲唱o左「獅子山下」﹗真係一個不折不扣o既香港人﹗
金神父聽朝一早要走lu~佢要番去韓國做佢修院o既院長呀，祝金神父一路順風，事事順利啦﹗
歡送會完o左爸媽要開會呀，我係聖堂溫住書等佢o地o羅，但都好眼瞓添…大概四點幾我o地再去食下午茶﹗歡送會D食物雖然有粉有麵，但始終份量唔夠咁多人食呢，麻麻地飽咋~陪爸媽去完買餸，番屋企沖個涼，又要出門口去下一個節目了﹗今晚去day屋企食團年飯呀~
咁專心係度做乜？之唔係re re緊我個blog blog o羅~
day家望出去o既景色，夜晚真係幾靚啊，D燈光閃亮亮的﹗日頭又有綠油油o既山~
多謝伯母預備o既美味飯餸﹗除o左一般o既菜、雞、魚之外，仲有福建特色o既煎蠔餅同埋炸雲吞﹗係係day屋企先食到呢~超級飽呀﹗係day屋企食飯冇一次食完唔係超級飽呢，真誇張~之後一齊睇「野蠻奶奶」大結局﹗
要趕番o黎睇「茶煲阿四」呀，哇，越來越感人了…好似之前睇「大話妹」o個陣觸動人心o既感覺﹗恐怕下一集要睇到喊了…點解香港D劇集就係唔肯花多D心機落去呢？係要俾多D時間、俾多D心機先可以拍得出感動人o既故事家嘛，要刻畫下D角色o既心情，觀眾先可以同佢o地一樣戀來一次家嘛~好期待下一集…
夜了夜了﹗聽日再講啦~
金神父講道也很精彩，值得仔細咀嚼和回味。他真誠的投入香港人的生活之中，所以捨不得離開香港；他全情地投入堂區的牧民工作，所以捨不得離開。帶著依依不捨離開香港，此刻雖然大家都難免傷感和遺憾，這卻是堂區教友和金神父豐盛而珍貴的回憶。我曾與金神父合作過一次，那次是送聖體員會曾邀金神父帶避靜，他準備充分，認真而虔敬，我們都獲益良多。
[版主回覆01/28/2008 23:46:00]replied
我公公婆婆冋阿姨都係返海星堂架~ 我細個都跟佢地返過架~ 你家姐的造型好靚wor~ 真係有點像韓國姑娘呢！好Good ah~ 我都有追茶煲阿四呀~ 尋日仲睇到用咗幾張紙巾呢！
[版主回覆01/28/2008 23:51:00]replied
係呀,個日我巳經攬攬我的代婆了,好warm呀!
[版主回覆01/28/2008 23:52:00]replied
Re爹爹:
爹爹對金神父評價甚高呢~你有冇親自同佢講呀，可以鼓勵一下佢丫嘛~
Re墨西:
咦，係呀？之前都未聽你講過呢~咁佢o地同金神父熟唔熟o架？會唔會好唔捨得呢？叫你阿姨add佢facebook﹗
佢見到你讚佢一定會好高興+沾沾了﹗
超好睇呀~~~~~~~~我就未「一公升眼淚」，不過睇到個心好酸o羅~下集就難講…
Re amy:
你幾時又收一個代女，咁就四代同堂了﹗係呀，我姨媽好好好好nice o架~
我想問…什麼叫代女?因為我未讀過天主教學校,所以唔知
[版主回覆01/30/2008 23:52:00]replied
我公公婆婆都返了天家，應該唔識金神父了，阿姨就可能識嘅…不過我未問佢呀~ 但係佢唔識玩電腦架~ 所以更加唔識facebook係乜呢！
我咪又係一樣，同媽咪一齊睇電視，兩個都係咁眼淺~ 殭屍仲覺得好好笑呢！ 下集大結局嘞~ 記得唔好miss呀~!
[版主回覆01/30/2008 23:54:00]replied
對金神父的主要印象是: 靚仔!!~ 但看到大家那麼有心準備歡送會便知他真的很努力為神工作啦!! 鼓掌
[版主回覆01/31/2008 00:56:00]replied
Re小姑娘:
咁你知道領洗係咩嘛？領洗係一個儀式，透過洗禮，我o地獲得重生，成為真正o既基督徒，正式加入教會~咁我o地領洗時會搵一個有經驗o既教友，作為自己o既代父、代母，咁係信仰生活入面，你o既代父、代母就會guide住你，教你點樣做一個好D o既基督徒o羅~就好似mentor同埋mentee o既關係~
Re墨西:
原來係咁~如果佢近呢幾年都番海星堂的話，就一定會識金神父了﹗因為金神父只係海星堂同埋我o地贖世主堂服務過~
乜殭屍咁o架~劇情咁傷感都笑~噢，大結局﹗雖然好想知道故事發展會點，但係又唔捨得做完喎，真矛盾呢~
Re day:
哈，我又冇特別覺得佢靚仔喎~
佢真的好盡心盡力~家姐話，見到今次個function，知道平時D青年ya ya烏咁，唔係做唔到，只係唔願做o者，大家肯用心時，效果可以好好~