今日最重要o既任務就係，每逢第四主日o既青年彌撒，今次o既工作由我o地聖母孝女會負責﹗所以今日都要出盡渾身解數去吸引大家o既注意﹗其實今日連去兩台彌撒呀，因為9:30am要「拔刀相助」，幫手彈彈琴~大致上都smooth o既，但揀歌時佢o地搞錯o左一首歌o既編號，搞到變成o左一首好唔熟o既歌，神父係個咪度講不如轉另一首時有少少尷尬添~11:00am彌撒就到我o地出場啦~姐夫今日要番工，1:30pm要過到海，但佢都o黎捧我場呢，thanks~

基本上我o地要全權負責禮儀o既程序，由領經、讀經、講道o既活動部份、信友禱文、奉獻…我o地人少少，有D勉強o架，係收奉獻時搵o左家姐做外援o羅~相中係乜？我係台上主持緊講道o個part o既活動部份，今日同大家做心理測驗「誰是自大的傢伙」﹗反應都幾好呀~不過feedback話我講o野講得太快了…

去o左胡家食堂「惠比壽」午飯﹗久違了~家姐個咖喱豬扒飯一送上o黎，靚到我要「嘩~」一聲﹗我冇影我個魚生冷麵呀，反正成日都食吧~

今晚家姐同day都係度食飯，媽咪又整親手喎，所以夜晚o個餐多數都係由我煮啦~我同家姐、day去三聖買餸，跟住就番屋企lu~

成個下晝都忙o左好耐先坐定，要煲湯啦，另外今日想整啫喱，又想煮咖啡飲~

可以貪心的煲超大煲湯又唔會滾瀉o既秘訣？係我嫲嫲o個度學番o黎﹗咁樣撐起個蓋就可以挑戰佢o既極限了﹗

之後重睇o左「不能說的秘密」，之前講過啦，我係戲院睇過了，但佢o地兩個都未睇過嘛，所以租碟番o黎睇~第二次睇依然好好睇啊﹗可以掌握多o左佢o既細膩感覺，電影o既上半部為之後o既劇情做o左好多鋪排呢~good﹗

umum…睇完之後都差唔多煮飯了﹗煮好多人份量﹗總共八人份﹗五個人一齊食+聽日三個飯盒﹗

好在今日冇乜「難食之作」~唯一係個咖喱出o左D問題o羅，因為係用尋日食剩個咖喱再加餸o黎煮，但原來D咖喱暗地裏已經變o左少少…哎吔吔~另外o個D餸都ok(媽咪好掃興咁話，但炒蛋同埋炒菜都好難煮得難食o架喎~雖然係o者…讚下我丫嘛~)~

晚飯後怒睇電視﹗新一屆o既ANTM又開始了﹗雖然做o黎做去都差唔多，但依然睇得津津有味，今日媽咪都一齊睇，呵呵~之後睇埋「味分高下」，笑到我同day kakakaka咁~

去瞓lu，論盡o既day漏o左個電話係我屋企﹗聽朝要晨咁早俾番佢呀~

Comments

comments