3-2-2007:濕地公園

換o左新background,大家喜歡嗎?

今日o既特別節目就係去濕地公園﹗其實都決定得好急o架,尋晚先決定呢個行程o既~咁確實冇乜特別o野要準備o既,係準備都係心情居多﹗今朝遲o左起身呀,所以都遲o左叫day起身,亦都遲o左出發了,去到濕地公園都10:30am左右啦~

去到時,哇,嚇死人了,入口o個度咁多人o既?﹗有冇搞錯﹗會唔會買唔到飛入去o架?我o地都諗好萬一入唔到場去邊度好…最後都順利入場啦,令人高興o既係,原來有學生飛o架~所以我o地每人$15就入場了﹗再過多幾個月day就要買貴飛啦~(其實都只係$30…哈~)

門口有個大大o既雀仔雕塑,靚~但我遮住o左D添…

跟家姐o既建議,我o地首先行o左戶外o既地方先,左邊有條路經過貝貝o既屋企,行出去濕地公園比較大自然o既部份,都係D小徑啦,兩旁有D矮矮o既植物同埋池塘咁樣,途中有D展館~

呢度介紹各種濕地入面o既生物抵抗夏天雨季時急o既水流時o既方法,呢隻叫做「砂管石蛾幼蟲」,點解咁多款唔影要影呢款?﹗你可以click番去20-1-2007 o既diary度,我o個次去海下灣field trip,就見到呢隻o野o既實物﹗呢度有講解呢~

hong kong is full of people﹗﹗﹗10個誇張﹗係遙遠o既天水圍濕地公園,竟然有一個人口咁密集o既地方﹗真係好多人呀~開頭時D人聚埋一齊,多到唔係好行到,激死我了﹗走係D人群前面嘛,又唔可以慢慢睇,佢o地會趕上o黎,行係後面嘛,又俾人塞住,真係進退兩難~

入o左個lab,哇,有工作人員講解「基圍」o既運作呀,有模型有水有魚仔添~原來平時講o既「基圍蝦」就係用D咁o既東東o黎養o架啦~

冇人幫我o地影唯有自己影啦,咁樣景就得番好少了…

上o左個觀鳥屋,有好多望遠鏡俾人隨便使用呢,好好o架~放大D雀仔o岩o岩就係鏡頭入面o既最大﹗

其實呢個角度係現場見到好多雀,但影唔出呢~濕地公園同民居o既高樓大廈就係咁近~

入去另一個lab度聽個小小lecture,D椅都靚過人~

我o地咪就係聽呢個topic o羅,講o左好幾種池塘入面o既動物,講下蜻蜓同埋豆娘點樣分啦,又講下蚊、水較剪、富貴螺咁o羅~好good o架~夠清楚﹗好耐冇試過可以完全冇壓力咁聽lecture lu~之後仲有實物睇~

呢D就係富貴螺o既蛋蛋了﹗一團紅色一粒粒咁真係睇到人起雞皮…呢D富貴螺係衰衰o架,佢o地係外來品種,所以都幾破壞香港o既自然生態o架~

入面只有一間快餐店,其實就係大家樂,除o左離場之外都別無選擇,所以係度食lunch o羅~都ok o既,點都比外面貴少少o架啦~

入去紀念品店行下,好可惜呢,D紀念品唔係太吸引,有D同濕地都冇乜關係,但我o地都買o左兩張磁石書簽,係呱做主題o架~靚~

之後就係遊客中心度睇D好勁o既展覽館,個館運用o左好多電腦,好多高科技,好interactive,所以都幾好玩(當然充滿童真、超投入地去玩更佳啦~)﹗呢個部份講D人類文化發展,有幅大唐xx圖(唔記得了,總之係好長o既卷軸,入面有好多detail講當時D人o既生活o既呢~)o既電子版,我o地可以隨意堆個screen,咁就可以睇到幅圖o既唔同部份,勁o既係佢整o左D animation落幅咁古典o既畫度,所以幅畫充滿動感﹗入面o既雀會飛,騎馬o既人真係郁緊,又見到D人玩雜耍~

heehee~開頭day唔肯影o架~

後來行其他o既展覽館都行o左好耐,好好睇﹗其中有一part係俾人參與個遊戲,有好多個task要完成,有D細路好跩o羅,o個D登記o既咭應該一人只拎一張家嘛,佢o地怒按按部機,一人拎住一疊,咁其他人咪冇o羅,好在都有D阿姐姐鬧佢o地,但都唔知識唔識得錯…

個游客中心二樓都有大落地玻璃俾人觀鳥o架,亦都有望遠鏡提供,呢幅雀仔就係day透過個望遠鏡影﹗犀利咯~

離場lu~外面都有一大遍草地可以俾人行下休息下,又有靚靚雕塑~

梗係要係個大門口影番張相啦~

之後就番去屯門啦~

屯門開o左「滿記甜品」呀,今日第一次去試,我當然叫o左「楊枝甘露」啦,好味,day叫o左合桃糊豆腐花,D合桃糊居然好滑好好味喎~好食呀~不過滿記真係貴o羅~

都番屋企了,番去做o左陣pbl個powerpoint,之後又同屋企人出去食dinner了,因為betty(教友,之前係海景基基團成員,但結o左婚就搬o左去南美lu~)呢排番o黎香港,所以同埋其他海景基基團成員食餐飯o羅~去o左「客家好棧」,食物o既味道係好o架,但服務真係麻麻地o羅,叫個八人餐,六百幾蚊,佢竟然話個湯賣晒,加二百幾蚊轉個翅或者加百幾蚊轉個唔知咩菜膽湯,但個餐先至六百幾咋喎,有冇搞錯?﹗好在我o地企硬,佢先肯幫我o地轉做豆腐羹咋~大家吱吱喳喳咁,番到屋企都十一點幾lu~

快快趣趣完成埋我o個part o既poewrpoint我就去瞓啦~

Comments

comments

8 關於 “3-2-2007:濕地公園” 的評論

  1. 你的濕地公之旅好像很有趣呢﹗我去的時候因為時間很趕,沒有時間慢慢看,所以沒有機會聽lecture,也沒有看到你說的遊戲咭,當然也沒有時間光顧快餐廳及參觀紀念品店喇﹗ 另外,沒見你提及浮橋以及看電影,有去看嗎?我覺這兩個地方很不錯呢﹗

  2. 那個大唐xx圖….不是清明上河圖麼? 我不確定… 我那次去都有點趕…因為吃完lunch才入去… 不過人不多,所以都算看得完~~ 但都沒你那麼仔細啦~沒有聽lecture~~ 倒是有充滿童真投入地玩遊戲~~還有看雀仔~~~ 實在我都很推介朋友仔去呢~~~

  3. 我都覺得很好玩丫~ 不過平日去會仲好d!!! 我都覺得聽lecture 很好!!~ 我都想玩基圍蝦的model呢! 可惜太多人! d蛋蛋真的很恐怖!! 唔!!~ 應是清明上河圖!!~ 我都覺得個idea 好勁!!! 本來真的只想試下!!~ 因為308有教有關optic 的野~ 想想下… 應該ok bor! 哈!!~ yeah! yeah! 真的影到丫! 可惜太多人~ 如不是可影多張…!~ d 合桃糊真的10好食!!!!

  4. Re家姐: 有趣呀~你下次要再花多D時間去行行﹗搵次同爹媽一齊去﹗ 哦,浮橋有去到呀,但因為都幾多人,所以冇影到相o羅,幾特別,但都可以好穩咁行o既~冇睇電影呀,雖然你一再提醒一定要睇,但因為尋日有特別專題講座,所以下晝要到四點幾之後先有放映呀,我o地三點幾都走o左咯~

  5. Re mandy: 哎吔吔,暴露o左我o既冇文化添…你應該o岩﹗ 對我o地屯門人o黎講濕地公園咁近,真係隨時都可以再去呢~不過你要趁夏天之前去呀,遲D出o黎做o野就要$30 lu,又冇咁得閒啦~

  6. Re高比仔: 你係第一次o黎我個blog度留言吧﹗歡迎你﹗以後多D上o黎哦~ 濕地公園的確係一個值得去o既地方呢~

  7. Re day: 係o羅,多人o左D﹗hong kong is full of people﹗ 個mini-lecture聽得人好高興啊,會令我對D蜻蜓呀豆娘呀更有興趣﹗基圍模型個demonstration o個度D細路真係極度煩呀~~~~~~~~~~ 肉酸呀~ 好蠢呢~唔知道係「清明上河圖」~ 影得都幾清丫~係啦,後來我搵到o個隻藍色雀好靚呢~又冇得影~ 我平時對合桃糊麻麻地都覺得幾好﹗但下次…我依然食…楊枝甘露﹗呵呵~

發表迴響

你的電子郵件位址並不會被公開。 必要欄位標記為 *