DAY 5 @ MALAYSIA: KUALA LUMPUR

去到吉隆坡之後o既第一日行程，呢日阿常(夏叔叔o既書法學生)帶我o地周圍去，主要都係係番吉隆坡o既中心地區度轉o黎轉去啦~

我o地酒店好近LRT站，所以首先搭o左LRT出去目的地o個邊~

呢度o既LRT無人駕駛，車頭車尾都有好大隻玻璃窗，可以望到車外面~

出到去lu~去到馬來西亞都有匯豐，香港人o既驕傲呀~爸去o左體現主權，去o左o個度o既櫃員機提o左少少款﹗

咦，遠望到吉隆坡搭喎~

首先去o左法院，門口有種特別o既職業，o個度會有D大叔同人打法律文件o架，可以叫做狀紙咁啦，用o既係好古老o既打字機﹗

法院外觀，個鐘樓有少少似HKU o既main building吧？﹗但加埋棵椰樹就變成馬來西亞o既景觀了﹗

之後去獨立廣場﹗係一片好大好大o既草地，國慶時就會係o個度有慶祝活動o架啦，有一支全市最高o既國旗旗桿，我記起我之前去美國時，係自由神像島都影過一張類似o既國旗相呢~

法院就係對住獨立廣場啦~

大紅花係馬來西亞國花(or吉隆坡市花？﹗忘了﹗)，硬幣o既圖案都係用佢o黎做主題~

之後去o左小印度，呢個區入面有各式各樣o既印度舖頭，我o地逛過下D雜貨舖咁啦~

報紙攤，竟然有香蕉賣乎？

之後去o左中央廣場，入面有好多紀念品店同埋餐廳，但都冇乜收獲咋~係買o左D零食、又食o左lunch o羅~

諗住試試laksa，但似乎叫o左o既唔係最typical o個種，都冇好濃厚o既花生湯汁o既~呢個…唔…唔好食﹗香料味太重了﹗又辣~都好有體育精神咁食晒成碗o既，但心理上生理上都唔係好滿足，杯大大杯o既木瓜牛奶都叫做解決o左少少問題啦~

之後去舊火車站，呢楝老舊building而家變成一間酒店，入面o既陳設古色古香，以前賣飛o既地方而家變成reception counter~收費都ok相宜o架~

舊火車站o既月台，其實都唔算好舊丫，唔知點解唔再用呢？

之後去國家回教寺，D人入寺要除鞋o架，而參拜時間女人唔可以入去，其餘時間只有由頭到腳包到實一實o既女人先入得去，我o地？自然入唔到去啦~

國家回教寺正門﹗

之後去埋回教博物館，入面介紹o左好多世界各地o既回教寺，回教o既相關文物，好似衣物、器皿、手抄可蘭經等等，收藏品都幾豐富，同以往係第D地方睇o既博物館好唔同~

D回教建築好多detail o野，佢o地用好多雕花、圖案~

唐人街﹗就條街本身就唔係太好行o羅，因為入面好似女人街咁，全部攤檔都係賣冒牌貨﹗手袋、波鞋、錶…總之係冒牌貨就乜類型都有﹗

但係入面飲o左個好好味o既涼茶，話呢檔好出名o架，老闆賣RM1.2(約港幣$3)o既涼茶賣到可以駕benz﹗味道好、好清潤，good呀~唔知係屋企可唔可以試下自己用番相同o既材料o黎煲呢？

坐番LRT去夏叔叔o個邊一齊食dinner~

呢晚食中菜，夏叔叔又邀請o左佢D學生、好友一齊食飯~係度影o左兩張相，但個老闆負責影相，可惜兩張都手震呢~oops~

待續

前往其他馬來西亞旅遊blog

Comments

comments