二零二四年三月十七日(星期日)
去年跟公司義工隊參加植樹活動，才知道原來只要留意住漁農自然護理處署的植樹活動公告，不用預先報名，只要按時出席就可以參加植樹活動。
今年自己去近近地揀咗去黃泥墩灌溉水塘，搭屯馬線去到朗屏站再轉K66巴士就到。
參加者須於活動當日9:00AM至10:30AM即場報名，我們落巴士的時候已經10:15AM，行了一段路卻一直未有看見派發樹苗的攤位，其實有點兒不安，如果不是看到有職員指引我們前往植樹場的方向，真的擔心一場來到卻無功而還。
初段沿路都是農村風光
看見一大片蔖薈田，還看到蘆薈開花呢﹗
沒想到3月還看到紅葉
行山就要食零食，今日我地食童星點心麵。
今日逸逸好勇猛
10:40AM來到黃泥墩水塘，還要行25分鐘才到植樹場。
欄杆上掛滿郊野公園的旗幟，前面就是派發樹苗的位置了。
依度超級大風，好舒服~
黃泥墩灌溉水塘，個樣睇落同藍地水塘差不多。
植物介紹 –今次我淨係記得左我地有種的，包括：米碎花、餘甘子、桃金娘、大頭茶以及嶺南山竹子，當中餘甘子樹苗的葉好似伯羞草咁，特別易認。
今次我地總共帶了9棵樹苗上山
去年只能夠自己顧自己，樹苗交由爸爸媽媽幫手拎，今年可以自己拎埋小樹苗上山。
有去年的經驗，今年唔駛盲摸摸，一埋位就開始種樹了。
今次漁護署的工作人員好好，我們來得遲，預先挖好的洞已經種晒樹，他們會主動幫我地搵洞，無就立即幫我們挖，唔駛不知所措。
逸逸話要錫啖佢先走
兩父女努力中
植樹大成功，影返張BANNER相。
任務完成，坐低食少少餅乾先落山。
跟去年相比，逸逸的行山能力有顯著的進步，全程正面樂觀，識得用傾計和食嘢分散注意力，行得好快又唔駛點休息，真係要俾多幾個叻佢﹗
逸逸平日畫畫最鍾意畫藍色的花，因為少見，今日終於見到，所以一定要同藍色花影相。
很有趣的水生植物，不過多得嚟有少少驚，恆仔話咁靚可能唔係好嘢，上網SEARCH一下，原來這是狐尾藻，可以當飼料，又可以淨返水源，好嘢嚟架喎~
午餐就係巴士站附近的黃泥墩86士多
行山去士多食麵特別有風味