二零二三四月二十三日(星期日)
自小已經好想參加植樹活動，卻一直沒有機會，終於來到2023年，公司義工隊又再宣傳植樹活動了。
沒有想過原來公司義工隊也是參加漁農自然護理署的植樹活動，而這個植樹活動是不需要預先報名，參加者只要按時間到登記地點即場參加就可以了。
我們參加了位於西貢西郊野公園近北潭涌家樂徑的植樹活動，所以約好了8AM在鑽石山地鐵站集合因為時間太早的關係，加上昨晚還要去看完五月天演唱會而夜歸，今早就直接搭的士過來了。
我們一起搭96R巴士前往目的地，帶隊同事講到明一定要一齊上到依班巴士，無位坐都要上，梗係喇~去西貢的巴士真係要等好耐先有一班。不過我地都算排得前，個個都有位坐。
出發喇~逸逸著咗依件OVERSIZE大人衫真係好搞笑，不過真的沒有想過有個睇起嚟得3歲幾的小朋友都係著依件XS碼~
植樹日的登記地點係北潭涌燒烤區2號場
現場睇排隊的人都幾多，不過聽說因為天氣不穩，社福機構不會參與今天的活動，如果加埋佢地就更加多人了。
帶隊同事帶備PROPS俾我地影相打咭
依家真係好先進，連郊野公園都係用可以顯示即時資訊的E-DIRECTORY。
首先領取紀念品 – 毛巾一條
有展板介紹樹苗種植的步驟
仲有介紹今日會種植的樹苗，我們三人就獲派了四棵韓式蒲桃以及兩棵九節。
其他人仲有機會種梅葉冬青、飄香、楊梅、樟以及五斑木。
每人在入口處獲派兩棵樹苗，然後行45分鐘家樂徑將樹苗帶到植樹場植樹。對於逸逸來說，小樹苗都有啲份量架~
出發登山前留影
因為係家樂徑，所以好好行，逸逸去程因為塞人要等有啲唔耐煩，但回程暢通無阻就話點解今次行山條路咁短。
對於大人來說更加係EASY JOB，反而最頂唔順就係有個阿伯不停大大聲同個朋友係度傾計，內容主要係抬高自己批評其他人，同埋長輩講既野後生就應該要聽之類，被迫聽又走唔開，真係越聽越嬲。
終於來到植樹場入口
漁農自然護理署職員係山坡上面已經預先掘好一個個洞俾市民植樹。不過我們來得遲，好多都已經種晒樹，要周圍搵左好耐先種得晒六棵樹。
泥土都幾硬，其實植樹過程比想像中唔容易。
逸逸要掘泥就唔太夠力，不過可以幫手放返啲泥入去固定小樹苗。
都唔知幾有趣
同我地種個棵樹影返張合照先，唔好講第時唔會認得返棵樹，恐怕連植樹場的位置都認唔返。
依塊地種滿晒小樹苗，十年之後就會變成森林架喇~
回程囉~擺下POSE影返啲靚相先~
逸逸話好鍾意行山，其中一個原因肯定係因為可以食零食。
仲有棒棒糖添~
植樹好玩又有意義，下次再有植樹活動都要再去參加先。