我們將車停泊在PAYNESVILLE。
RAYMOND ISLAND就在PAYNESVILLE的對面。
這是前往RAYMOND ISLAND的小碼頭
往來PAYNESVILLE和RAYMOND ISLAND的票價是每架車來回A$14,只有人坐船就免費,除非打算駕車環島,否則當然是泊在PAYNESVILLE最化算。
上官網也可以查到時間表,不過正常時間大約20分鐘有一班船,我們來到的時候是班次最密的時間,船基本上是不停的往返兩岸,大約等上10分鐘一定可以上船。
起航囉~
RAYMOND ISLAND渡輪由1889年服務居民至現在,已經134年了。
遊客過來的目的是定是來找樹熊,據說RAYMOND ISLAND上面有超過200隻樹熊,要找到樹熊就先要找到KOALA TRAIL的標誌。
上到RAYMOND ISLAND突然落起雨上來,只有一把縮骨遮的我們只好原船折返,恆仔返車拎返每人一件雨褸先再出發。
我地預備好喇~
正式開始尋找樹熊的時候已經5:15PM了。
來到RAYMOND ISLAND要特別小心野生動物
見到KOALA TRAIL的標誌了
我們計劃行的KOALA TRAIL全長2KM
其實RAYMOND ISLAND的KOALA TRIAL就是民居對出的路
我地就係要係依啲樹上面搵
野生樹熊比我想像中易搵,只要見到棵樹有唔對路嘅地方,通常就係樹熊了,落住雨搵更加有探險Feel。
周圍都係唔對路的地方,最可惜係沒有好的攝影器材,只係靠IPHONE影唔到好相片。
逸逸由起初我們搵到指俾佢睇佢都要搵一輪先睇到,到後來有時比我們更加快搵到。不過我地都有疑惑,就係樹熊動作咁慢,佢地究竟會唔會由一棵樹爬去另一棵樹?如果會的話又會點過去?
突然間遠處前面”DUM…DUM…DUM…”咁有嘢跳出來,原來係野生袋鼠,所以點解之前有路牌叫人小心野生動物。
按上圖可以睇下樹熊點樣係風雨中食嘢。
又大風又大雨,我地要行快啲喇~
依隻樹熊同我地對望呀~
樹熊乖乖扮抱抱
我哋一邊行一邊搵樹熊,行咗40分鐘總共搵到23隻樹熊,成績應該都算唔錯﹗
我們慢慢沿著岸邊木棧道行返碼頭,海面上有很多黑天鵝。
突然間又有嘢DUM一下咁係我地前面跳過,原來又係袋鼠呀,跳過木棧道之後遠遠望觀察住我地。
我地梗係趁機同佢影返張合照喇~
瘋狂逸逸雖然著住雨褸,最後都係玩到由頭到腳都濕晒,好彩我地自駕,搭船返PAYNESVILLE之後即刻返車打開行李搵衫俾佢換。
我地大約駕駛45分鐘就到達LAKE ENTRANCE,地圖上屋仔的位置就係今晚我們要入住的BANJO PATERSON MOTOR INN。
來到酒店已經7:15PM了,CHECK IN時問店主附近有什麼吃晚餐的推介,店主說今天聖誕節很多店都沒有營業,只能肯定一家有麥當勞,不過我地可以即管去睇下。又麥當勞?點都好,上房SETTLE DOWN先。
我們訂的是一家三人湖景房
坐係出面露台望出去就係湖,本來來到LAKE ENTRANCE應該係好寫意的渡假甚至落下水玩,或者租船出海過下開船癮,不過因為落雨的關係,除咗風景不如預期之外,其實真係好凍,加上我地剛才係RAYMOND ISLAND濕咗少少身,凍到要將香港上機時著的厚褸著上身保暖。
SETTLE DOWN我地就出去搵地方食晚餐,外面落緊雨而且好潮濕,向前望住擋風玻璃完全白濛濛一片,要打開車窗先至勉強睇到少少路,但係成個人就俾雨淋濕晒。
果然一如店主所講,餐廳全部都無開門,經過商店街有營業的只有KFC和麥當勞。不如去超級市場買食物返酒店食?去到WORTHWOOL唔知係早收定係今日唔營業,SORRY NEXT PLEASE。諗起依個世界上面仲有便利店,要搵便利店就要去油站,WORTHWOOL後面的油站便利店好細無乜嘢賣,最後去咗5分鑵車程外的另一個油站。
依個油站大得多,而且有熱PIE COUNTER,最大的壞處係無酒賣,駕車駕了一整天的我其實需要一些酒精舒緩一下繃緊的神經。
最後我們今年的聖誕晚餐是肉批、杯麵以及KFC炸雞,唔駛食麥當勞真係太好喇~
熱呼呼的杯麵成為世界上最溫暖最美味的食物
逸逸食飽飯沖完涼都繼續做網上功課,真係乖喇~
今日全程駕駛348km,晚安。