居住屋苑僻了一塊空地做親子農莊，今年我地都決定試下，2023年的第一天一落機就收到管理處電話叫我們去付款收地。
2023年1月2日
我們去管理處繳費，租期由2023年1月1日至6月15日，租金$70，還派發了茼蒿和菠菜種子各一包。
同日我們野心勃勃的去藍地再買了大白菜和蕃茄的種子。
下午就來開墾荒地了
用咗一個半鐘，終於整理好塊田播了種，今日落了菠菜和茼蒿的種子，希望可以成功喇！
逸逸終於透過勞動明白做農夫好辛苦依個道理。
2023年1月8日
昨天淋水時都未有動靜，今日終於見到發芽喇！
2023年2月18日
種田種了一個半月，菠菜長高速度很慢，而且一直瘦瘦弱弱，花卻越開越多，即表示開始衰老，唯有收割。
今晚煮咗蒜蓉炒菠菜，份量少得小菜碟都裝唔滿，難得平日唔食菠菜的逸逸，試咗自己種的菠菜覺得美味，自己種嘅真係唔同啲！
2023年3月3日
茼蒿開始開花，快啲摘咗落嚟食。
今日用自己種嘅茼蒿打邊爐，又甜又嫩～
2023年4月26日
早前係泥入面埋咗一個超級市場買的薯仔，長得仲高過逸逸，好厲害。另外，我地種的蕃茄也生長得不錯。
本來所有事情好似越來越進入狀態，開始識得點淋水，又比較掌握到施肥同埋除草的運作，點知成個親子農莊好似突然被害蟲突襲定被細菌感染，大家的農作物都呈凋謝的狀態，攪到大家都無晒癮。
2023年6月11日
因為租約期滿，6月15日就要將田地交還管理處，係時候嚟同我地塊田告別。
我地好想知道之前長得好茂盛的薯仔究竟有無結果實。
答案係乜都無
反而搵得返之前放落去種嗰粒薯仔
經過依半年的種田經歷，發現耕種真係非常多學問，而且好受天氣和蟲害影響，大家真係要好好珍惜農夫辛苦種植的食物。