二零二三年七月二十四日(星期一)
今天就要離開那霸了，好想找一家在酒店附近又有特色的餐廳吃早餐，上網找到了在RYUBO 琉貿百貨對面的小店甘味處萬丸。
經過充滿綠色的那霸市役所
就是這家甘味處萬丸了，果然是大家都在網上推介的店家，8:35AM來到已經要在門外排隊了。
這是一家點飲品送早餐的餐廳，果然是和風的CAFE，不過這兒跟其他CAFE不同的是食物的組合非常多樣化。飲品+SET A、B、C、M、O不用加錢，但可以加不同的TOPPING每款各120円，又可以加錢要VALUE SET、DOUBLE SET、PLUS SET甚至吃飯也可以。
我們大約等了15分鐘就可以入座，只看見一個店員在忙出忙入，我猜整家店就是2 MEN BAND，一個廚房+一個樓面，出餐很慢，空出來的座位也執唔切枱，難怪外面要排隊了。
我選了VALUE SET，三塊多士揀了兩片普通多士(配紅蓉)和一片雞蛋沙律多士，其中一片普通多士SHARE給逸逸，另外還有烚雞蛋、沙律以及花生豆腐，每一樣都好好味，飲品就點了黑咖啡。
恆仔就簡單一點，選擇了SET C，一片普通多士配紅豆蓉、一片雞蛋沙律多士以及烚蛋。
點恆仔的餐時加了烚蛋和紅豆蓉做TOPPING，加埋我個度塊麵包，成為逸逸的早餐，可惜逸逸竟然唔鐘意紅豆蓉，最後梗係由喜愛紅豆的我食埋喇~
食飽飽返房間執行李，就要跟依間住咗兩次總共三晚的1114號房講拜拜了。
CHECK OUT又有小禮物，今次有三份。
離開那霸，就開始我們的自駕遊行程。
今次租車其實都峰迴路轉，因為我們在那霸出發，當然想搵那霸租車機場還車，可能我開始搵車的時候已經有啲遲，如果機場借機場還就仲有選擇，但係異地還車原來唔係咁容易。
因為今次係跟沖繩的在地媽媽SOPHIA去露營，係佢既FACEBOOK專頁見到有間叫做ENJOY OKINAWA 沖繩自駕遊租車公司的連結，於是就聯絡問下，點知原來依間公司就係SOPHIA同佢老公阿SAM開的，既然都信咗佢哋跟佢哋去沖繩露營，就即刻決定幫佢租埋車了。
我地租了HONDA NBOX CUSTOM四人車，架車又新又乾淨，第一次駕K CAR，因為沖繩周圍都塞車同埋經常停燈，根本無機會楂快車，所以無機會知道佢行得快會唔會飄或者夠唔夠力。
架車車尾廂空間好夠闊，內籠都出奇寬敞，最正係裝咗無線充電電話座，直接用GOOGLE MAP導航都唔洗驚電話無電，依個設備正到返香港即刻叫恆仔係自己架車度SET返個。我記得上次去北海道自駕的時候仲用緊MAP CODE搵路，今次全程用GOOGLE MAP，直接輸入地點就可以搵目的地超級方便，連架車入面的BUILT IN導航點用都懶得學了。
同佢地租車仲有好多好處，全程用廣東話溝通唔在講，最厲害係竟然可以自選取車還車的地方，所以我地取車的地方就係酒店樓下條街，阿SAM前日送我地返酒店時已經順便視察埋交車的地點，文件亦因為一早已經透過WHATSAPP提供晒資料佢地可以事先預備好，簽個名講解一下架車點用就可以出發，第一次租車可以咁方便快捷咁爽。
最貼心係佢地竟然一家四口一齊來交車，因為彤彤昕昕想嚟同逸逸SAY GOOD BYE，仲送咗份小禮物俾逸逸，你地一家實在太SWEET了。