二零二三年十二月二十一日(星期四)
今天是逸逸一年一度的學校旅行。
今年校長有新搞作，話覺得一二年級仲係肯黏住父母的年紀，所以希望透過舉辦親子旅行，讓小朋友同父母有更多一齊玩的機會。不過每個小朋友只可以與一個家長同行，因為旅行地點係邊個都可以到的迪欣湖，於是恆仔學其他家長扮偶遇，最後可以一家三口一齊參大叵依趟親子旅行。
我是今次親子旅行的正式參加者，陪逸逸與同學一起在學校搭旅遊車出發，恆仔放低我們係學校之後就駕車過去迪士尼樂園，反正恆仔都係玩長跑的，從迪士尼走路過來可以省下昂貴的迪欣湖泊車錢，雖然計劃的時候無諗過今日凍得咁厲害。
今日天氣有幾凍？根據天氣報告，市區只有8度，新界普遍再低兩至三度，仲要由於風勢頗大，身體感覺的溫度會較實際氣溫為低。
好彩早一晚吃飯時講起今日去迪欣湖，妹妹提醒可以幫逸逸帶去韓國時戴的企鵝帽保下暖。
因為我地連擋下風的帳篷都無……
不過小朋友只要玩起就唔凍
同學仔媽媽幫我地影的靚靚全家幅
為了今天野餐預備的食物，不過太凍都唔係太想食。
凍到頂唔順，我去咗迪欣湖的唯一便利店7-ELEVEN買了美式咖啡飲。
仲買咗想試好耐的MINI-OREO~
恆仔來到迪欣湖繼續玩扭計骰。
逸逸的中文老師盧老師過來和我們傾計，話遠處有個小迷宮可以過去行下，逸逸主動叫盧老師帶佢去，於是就拖住盧老師出發，仲越行越多人一齊去，睇得出師生關係真係唔錯。
成班小朋友一齊周圍玩
跟住係親子遊戲時間，多謝爸爸捕捉我們兩母女合作的時刻。
天氣太凍，校長好果斷的決定由原訂的2PM提早到12:00NOON回程，實在是明智之舉。
上車繼續同同學仔玩到返學校，唔怪知得唔肯同爸爸一齊行返去迪士尼，我甚至利誘佢話入去迪士尼玩都唔肯喎~
今年度的學校旅行就這樣提早結束，聖誕假期亦提早了兩個小時正式展開了。