SET好GOOGLE MAP做導航，第一個目的地就係浦添大公園。
浦添大公園同沖繩綜合運動公園一樣，都係一個超大型的縣營綜合公園，佔地37萬平方呎，這兒有曾經在遷都首里之前琉球王府都城的「浦添城遺跡」，也有國王陵墓「浦添極樂陵」，不過對於帶住孩子來的遊客，最吸引的一定是這兒的兩大公園。
我們先到位於C區的遊樂廣場以樹屋為設計慨念的TREE HOUSE ADVENTURE。
如果不是已在沖繩綜合運動公園見過下世面，真的會被這個大型遊樂設施嚇一跳。
沿著山坡爬樓梯上去
再沿著山坡滑下來
還可以過吊橋，好多元化。
兩母女玩搖搖板
曬得太耐就去有蓋的地方玩下泡泡
逸逸叫我跟佢去探險
走咗入去依個透明隧道
結果我個頭撞到個頂條橫陣，腫起咗個樓，不過頭頂都未算痛，最可怕的是撞埋去時太用力條頸都食咗啲力，搞到到條頸好似梗梗地咁，返去仲要食止痛藥，所以話唔係俾你個年紀玩的就真係要聽話，唔好亂咁入去。
買返罐啡定下神，同埋冰敷……
我要坐低休息，叫逸逸自己去玩。
依度個飛索都係自己搞唔掂，結果要搵咗恆仔去幫手。
旁邊係1-3歲的遊樂設施，見到好多幼稚園生由學校帶住嚟玩，依個連經常自認係BB的逸逸都無乜興趣。
係依邊公園玩咗大約1個小時，我地就打算行去B區朝聖一下浦添大公園最有名的長滑梯。
有好多彎彎曲曲的小徑
不過望住GOOGLE MAP行都好似搵唔到啱的路，似乎返去攞車駕車過去比較簡單。
返去C區遊樂場地標夠顯眼，可以直接經過大草地行返去，有斜坡落斜的話就直接坐係上面滑草就可以了。
成個大草地都無人，可以盡情咁跑~
上車轉兩個彎又落車，我們來到B區遊樂場。
招牌相
依邊的大型遊樂設施已經好夠，甚至部份已經廢棄咗~
不過仍然有好多人係為咗依條全長超過90公尺的滾輪滑梯而來。
從來都未玩過咁長的滑梯
要玩滑梯就要好有腳骨力去爬樓梯
滑梯寫到明係俾6歲-12歲的小朋友玩
但係好難抵擋長滑梯的引誘
要SIR一分鐘先落到底
我陪逸逸玩咗兩次，最後玩到PAT PAT痛，後來夜晚沖涼時發現尾龍骨位損咗，又再一次証明人地叫你唔好玩係有道理架，真係唔好勉強。
恆仔都玩咗一次，叫做體驗一下。
跟住我地又玩下泡泡
玩多兩次依條又唔高又唔長的滾輪滑梯就走了。
下一站係同在浦添市的NEOS露營用品店
可愛的CROCS BB
好靚的餐具
逸逸話要買依張櫈俾KIKI去露營時瞓
兩層高真係好正
成SET裝備真係好吸睛
超級可愛水煲，今次真係我是個茶壺肥又矮呀……
見到依張好似包住錫紙的保暖氈，即刻諗起搖曳露營入面佢地無錢買保暖睡袋唯有包錫紙個一幕。
去露營時瞓過吊床好過癮，嘩﹗藍色個張要11,000円，好貴~
超多款式的露營櫈可以試坐
順便可以休息一下
下一站打算駕車去美國村吃午餐，遇上了塞車，其實在沖繩塞車真係平常到不得了，所以在沖繩一點都唔ENJOY駕車。
因為聽咗阿SAM介紹沖繩的迴轉壽司好抵食又有特色，本來一心諗住去美國村的名店グルメ迴轉壽司，可惜我們來到美國村時已經接近2PM，午市已經停止再收客，唯有去隔離的京都北白川ラーメン魁力屋。
逸逸點了一份兒童餐，可以係個籃入面自己揀玩具。
揀了倉鼠仔，屬逸逸一貫的喜好。
逸逸的兒童餐有小拉麵、炒飯和啫喱，連稅只要385円，真係同送俾小朋友食無乜分別，逸逸只會吃拉麵，炒飯當然由我們瓜分。
我和恆仔都是點了特製醬油拉麵，不過恆仔點的是雙份叉燒，更有睇頭，湯頭屬濃厚的風味，味道都唔錯，再加多份餃子，午餐食飽飽。