下一個目的地是距離大約一個電車站距離的MYER’S BOURKE STREET FLAGSHIP STORE。
由MELBOURNE STATION CENTRAL/SWANSTON STREET站搭到去BOURKE STREET MALL/SWANSTON STREET,兩個站都係位於FREE TRAM ZONE,唔駛錢梗係搭車喇~
只要上落車都位於FREE TRAM ZONE,上落車都不用拍卡。
紀念品店的可愛袋鼠
今次依個商場有咩特別?同MELBOURNE CENTRAL MALL相比真係無乜特別,就是一家普通的百貨公司。
不過因為知道要來MELBOURNE過聖誕,所以出發之前特地上網看看這兒有什麼聖誕的特別節目,而其中一個吸引到我注意的就是MYER’S BOURKE STREET FLAGSHIP STORE的CHRISTMAS WINDOW WITH BLUEY AND FAMILY。
我們之前曾經在DISNEY JUNIOR看過BLUEY的卡通片,BLUEY同BINGO兩姐妹加埋佢地爸爸媽媽一家都好搞笑,不過係香港知名度唔係咁高,亦無乜見到佢地的相關產品,原來BLUEY是澳洲的卡通片,難得有機會可以會一會BLUEY,所以特地過來。
來到MYER我們直上6/F
嘩~排晒長龍,原來係輪候同BLUEY和BINGO兩姐妹影相的隊伍,由已經超級累兼發晒冷的恆仔負責,我就帶住逸逸周圍逛逛。
恐龍吼~
逸逸每次見到動物型的毛公仔都無晒理智,猛話佢地好可愛好想帶返屋企,我同佢講:毛公仔一定好可愛先有人買,我地無可能帶晒佢地返企。
BINGO公仔
恆仔帶住逸逸去同BLUEY和BINGO影相,我就排緊參觀佢地屋企的隊伍。
這是BLUEY和BINGO的房間
歡迎小朋友除鞋坐上床影相架~
我地一齊係佢地的小天地個度睇故事書
仲可以用APP學彈琴,都幾有趣架~佢應該係遁序漸進式咁學,但我地埋到嚟時已經去到難度相對比較高LEVEL,所以沒有鋼琴底子的逸逸就唔係太跟得上。
依個位係用HEADPHONE聽住音樂係度跳舞,我地一家三口一人戴住一個HEADPHONE即刻開咗個小型DANCE PARTY,大家都好ENJOY~
睇完BLUEY我地去對面唐人街食午餐,唔夠瞓都無乜胃口食嘢,相信食COMFORT FOOD會好少少。
因為貪個店名有型,我揀咗幫襯黃鶴樓。
我地點咗蒸餃子和小籠包,味道正常不過內餡食落差唔多味,而且佢個巨型呎吋真係令我地失咗啲預算。肉絲炒麵都係正常味道,不難吃也沒有驚喜。
終於等到2PM夠鐘可以CHECK IN大家就係時候留喺酒店房補眠了,我一早已經同兩父女講定瞓醒會自己落去QUEEN VICTORIA MARKET逛逛,
我最後都瞓到3:45PM先至醒,開始我的ME TIME EXPOSURE。
QUEEN VICTORIA MARKET離我地酒店好近,行兩三分鐘就到。
QUEEN VICTORIA MARKET是全球第三大,全南半球最大的露天市場,佔地70萬平方呎,自1878年開業至今,已經有接近150年歷史。
點解我咁心急要自己落嚟行?因為QUEEN VICTORIA MARKET 4PM就關門架喇~
首先進入已經差不多人去樓空的MEAT AND FISH HALL以及還有點兒小熱鬧的DAIRY PRODUCE HALL,煙燻火腿、橄欖、芝士對於我來說都唔係太吸引,但那些色彩繽紛的醃漬海鮮真係好誘人,有些TAKE AWAY的熱狗店和BAKERY也很想試試。
跟住行去MARKET的另一邊。這兒是佔地更廣的乾貨市場、美食車以及FRUIT AND VEGETABLES市場。
乾貨市場的貨品看起來還算可以,不會太淘寶FEEL~
雀仔店都有
美食車大部份已收檔,只剩下一兩家仍然營業中。
色彩鮮艷的蔬菜芇場
還有超吸引的水果市場,來香港之前我已決心要在澳洲買正值當造的車厘子來吃。車厘子是一分錢一分貨的水果,價格可以差異很大,澳洲車厘子特別是塔斯曼尼亞產的在香港可以賣到HK$300/kg (即k大約A$60/kg),早兩年曾經買過來吃,車厘子確實是又大粒又飽滿,不過吃起來沒有很甜,當時覺得不值這個價錢,所以今次對於買哪個價錢的車厘子都心大心細。
可能因為差不多收檔,不少攤販都在促銷,最便宜的A$3.5/kg也見得到,不過就好細粒。既然一場來到澳洲當然是想吃好吃的車厘子而非便宜的車厘子,最後買了500g眼見場內第二貴A$20/kg的車厘子返酒店慢慢享用。
最貴的其實也只是A$30/kg,以香港價嚟講都唔係貴,不過因為佢要成箱買無得散買,我一個人根本食唔晒。
充滿聖誕節氣氛的櫥窗
慢慢散步回酒店,這是一個已經停用了的DRINKING FOUNTAIN。
這是建於第二次世界大戰的VICTORIA STREET DRILL HALL。
本來想飲杯咖啡,竟然週圍都搵唔到一間可以坐得舒舒服服的,最後揀咗幫趁麥當勞買咗杯咖啡沙冰。
自由自在的ME TIME
返到房大約4:50PM,恆仔仲瞓緊,逸逸已經起咗身,我陪佢上網做假期功課。
洗乾淨啲車厘子嚟食,又甜又飽滿真係超級美味,如果當年的車厘子有依個質素,我應該會每年都肯花錢買嚟食。