二零二三年十一月二十五日(星期六)
今晚又參加公司康樂會活動，今次係觀星及天文攝影體驗。
集合之後，一齊搭旅遊巴去今晚的目的地：大坳門。
都預咗晚上山上面會風大，但係無諗過凍得咁跨張。
今次活動由天文匯ASTROLINK的成員為我們做導賞，他們還帶備天文望遠鏡讓我們跟星星更加親近。
我地用天文望遠鏡睇咗月亮，又睇咗佢旁邊的木星。透過天文望遠鏡觀賞放大43倍的月球，連月球表面的凹凸洞都睇得好清楚，真係好震撼。
不過因為今日天氣唔好，成日有雲走出來遮住個月亮，加上星體的移動，導賞員好忙咁經常要調較望遠鏡去重新對焦。
依一粒係土星
其實仲睇到仙后座個M字，不過iPhone就影唔到了。
今晚多雲，唔係睇到好多星，不過聽咗好多有趣的天文知識，亦知道咗原來iPhone都可以影到銀河，，是很有趣的體驗。
同埋發掘到係上星期露營時影的星空相原來影到了很多有趣的東西，例如自小我媽媽教識我睇三粒平排是獵戶座的腰帶(橙色圈)，今次就知道原來當時連獵戶座的膊頭(紫色圈)同埋雙腳(黃色圈)都影到；另外導賞員介紹有一個星座好似個問號(紅色圈)，原來係我張相都睇得到。