二零二三年十二月二十二日(星期五)

今天是逸逸聖誕假期的第一天，同時也是冬至，我可以提早3PM放工，放工趕回家大家沖個涼就出發去機場了。

今次行李陣容好似好跨張，兩個行李箱再加個行李袋。其實現在澳洲是夏天，本來我們的行李就不多，一個大行李箱已可以放晒全部的行裝，不過細行李箱主要是用來放我們現在穿著的冬衣，小飛象袋則是上機袋，用來放在飛機上所需的物品。

機場掛了聖誕燈飾好美，今次旅程小行李箱基本上都是由逸逸負責。

我們首先去辦理CHECK IN手續，首先用附近的機器進行自助CHECK IN，只要按指示SCAN好所有PASSPORT就會PRINT埋登機証及寄倉行李貼紙出來，然後再帶登記証去櫃台做BAG DROP。本來一切都很順利，唯獨是我揀咗部唔夠紙的機器，有一張登機証PRINT唔到出來，不過只要同櫃位職員講返就可以了。

辧好CHECK IN手續，時間尚早，我地參觀一下機場的聖誕裝飾，周圍影下相。

可愛的聖誕熊熊，唔知佢預備搭飛機去邊度玩呢？

依個位於ARRIVAL FLOOR的LED DISPLAY超級靚

行埋去瀑布的水還會移開的，如果唔係叫走，逸逸應該可以係度玩一日。

影埋靚靚聖誕樹就去辦出境手續。

過咗關首先去逛一下每次坐飛機必定要入去兜個圈的DISNEY STORE，好多貨品都好吸引，不過梗係無買喇，入迪士尼買奇妙處處通會員有DISCOUNT。

行行下逸逸突然話要係依個櫥窗前面影相，識貨﹗

我們今次係11號登機閘口，旁邊就是大型兒童遊樂場「奇妙巨蛋」，逸逸簡直可以係度玩到上機前最後一分鐘。

仲要好快就搵到玩伴添~最後逸逸係度玩咗接近半個鐘，非常盡興。

我無著襪所以無入去兒童遊樂場，逸逸影左LV，我都影下DIOR先~

出發前指定打咭點，我地坐QANTAS直航去MELBOURNE。今次係逸逸第一次衝出亞洲，也是她第一次在飛機上過夜，好緊張呀﹗

上機前最後一刻原來係打機，哈哈~

上機喇~係機門接待我們的其中一名空中服務員帶咗聖誕頭箍，充滿節日氣氛。原本菊姨幫我買機票時HOLD咗2+1的座位，為咗可以一齊坐我改咗中間排，恆仔話咁樣去廁所無咁方便，嗚嗚……好彩我地遇到一個貼心的空中服務員，因為今日班機唔滿，佢調咗我旁邊的乘客去另外的位置，我地一家三口可以用晒四個位，真係非常好﹗

原來2023年係QANTAS的一百週年，佢地拍咗一套以QANTAS發展史為主題的SAFETY VIDEO，好好睇。

QANTAS的機上娛樂系統都唔錯，第一版BARBIE已經成功吸引住我的眼球，不過因為佢設計失誤，耳筒的插線係螢光幕旁邊，起飛降落時唔可以插住耳筒，真係有啲老土。

仲可以睇埋今次航班的MENU，不過唔可以盡信，因為早餐的資料同依度顯示的有出入。

逸逸今程飛機主力睇唱遊節目，我就睇咗套韓國電影，由柳演錫同埋車太鉉主演的《超完美保姆》，當時佢地都有上RUNNING MAN宣傳依套電影。

首先第一輪先派SNACKS，依包SNACKS係恆仔的，我個邊唔知點解錯過咗我個行，不過後來發現原來無論國際航班定係國內航班，QANTAS的空中服務員係經常犯依個錯誤。

首先上兒童餐，炸雞、青豆和薯蓉，食物非常合逸逸的胃口。

我揀咗VERGETARIAN的雜菇紅燒豆腐米線，QANTAS的食物竟然好好味喎~

恆仔就食炆豬肉飯，都唔錯。

仲有楊枝甘露雪條做甜品，食完個晚餐已經差不多10:30PM，即係澳洲時間1:30AM，我急急忙忙趕逸逸去瞓覺，因為我地7:50AM就到MELBOURNE，仲要預時間食早餐，無乜幾多時間可以瞓。

因為一連四個位，逸逸可以成個人打平嚟瞓，不過壓到我PAT PAT痛。

後來我終於成功逃脫，坐返恆仔隔離，俾佢隻腳踏住無咁辛苦。出發前不斷話自己係飛機一定瞓唔着顯得非常憂心的逸逸，結果都唔知瞓得幾好、簡直同屋企張床無乜分別。

逸逸就係瞓得非常舒服的情況下渡過了她人生第一次在飛機過夜。

Comments

comments