二零二三年三月十八日(星期六)
完成跑步賽事,一場來到迪士尼不如都入園玩下。不過離迪士尼開園仲有啲時間,我地決定去東涌食返個二次早餐先。
我地搭迪士尼線去欣澳再轉東涌線去東涌,平日我地都係駕車來迪士尼,逸逸雖然小時候曾經坐過迪士尼線,不過記憶已經好模糊,今次好似第一次搭一樣興奮。
迪士尼線的米奇窗口
一大朝早無乜人搭迪士尼線
可以周圍走動影靚相
我地係麥當勞食早餐
爸爸媽媽正好在東涌的諾富特東薈城STAYCATION,我地又走上去佢地房參觀一下,個VIEW好靚喎~
時間差不多就搭車返迪士尼,我地好少開園時間入園,真係好多人呀~
美國小鎮大街都人頭湧湧
我地竟然在路上見到梅莉達同埋白雪公主,唔通佢地剛才同跑手打完氣未走?
按逸逸的意願先去玩小小世界
之後去玩轉轉杯,一早起身去跑步的我坐住轉轉杯真係好頭暈。
跟住玩轉轉馬
逸逸好鍾意同依隻小飛象影相
縱使之後我們會坐上會飛的小飛象
今次我主力窺探一下魔法奇緣世界起成點。
食埋杯巨峰提子牛乳軟雪糕就返屋企。
YUM YUM~
我地走的時候都未夠1PM呀﹗一早起床時間真係特別好用。