吃過午餐，又來到自由活動的時間。
唔知邊個小朋友開始爬樹，跟住所有小朋友都爬晒上樹喇~
不過逸逸真係好細膽，已經唔敢爬得再高。
成班小朋友自己玩，又係我出去半跑步半散步的時間，其實好想跑，不過我無帶波鞋，而對新涼鞋未著慣已經開始刮腳，加上頭頂上面的大太陽，所以都跑唔得快。
來到望水亭的水上單車櫃枱，星期六、日先有得玩，如果真係好想玩就可以明天早上過來。
好典雅的畫
繼續向前行，沿路見到好多大人細路拎晒裝備興緻勃勃咁係度捉昆蟲。
來到圓頂休閒運動場，基本上唔會限制你玩乜嘢運動。
見到逸逸係大阪已經好想食的SEVENTEEN ICE，但係因為病唔可以食，有機會一定要買俾佢試下。
依度係租單車的地方
基本上係度快步走咗一圈，點解要停？因為俾恆仔叫咗我返去同逸逸換泳衣，小朋友話要玩水喎~
返到嚟又話唔晒換泳衣，佢地去咗捉昆蟲。
係呀~就係捉草蜢，成個公園周圍都係。
成功用捕蟲網捉到喇~
將佢放入觀察箱觀察下草蜢的生態，之後就梗係放生喇~
SOPHIA一聲令下：玩水喇﹗成班小朋友就排住隊去取水將小泳池裝滿水，跟住就開始製作水風船。
「水風船」是一種玩具，由一個充氣的橡膠球和一根繩子組成。當橡膠球被充滿水後，它會變得沉重，而繩子則會變得緊繃。當你把這個橡膠球扔出去時，它會像一個飛行的球一樣飛行，並在空中發出噴射聲音。因此，這種玩具被稱為「水風船」。
日本好盛行玩水風船，連露營區OFFICE的小賣部都有得賣，上網睇有很多不同的玩法，究竟他們要玩乜嘢呢？
原來係要向上拋高再接返個裝了水的氣球
按上圖睇下逸逸點玩，如果失手接唔住個波就會爆同埋濺到成身濕晒。
反正都濕咗，成班小朋友索性坐晒落去個小水池入面。
好彩天氣熱又有太陽者，媽媽心諗：剛才換咗泳衣咪好囉~
有得玩水就最開心
玩到趴晒係度
又開始玩第二個日本小遊戲 – 就係扑西瓜，排緊隊的小朋友繼續係水池入面觀戰同埋幫手俾指令。「行過啲……行過啲……」，請問應該行邊面呀？
┌
輪到逸逸喇~蒙住雙眼聽住群眾的指令行去扑西瓜，開始之前當然要先轉圈，每大一歲轉多一個圈，六歲的逸逸就要轉六個圈先可以開始，轉到暈佗佗無晒方向感就啱了。
睇下逸逸玩扑西瓜的情境
唔知邊個開始玩起水槍
結果DEREK媽媽買咗一人一支水槍俾佢地
係大草地玩水槍真係好開心
除咗互相射之外，仲可以搵啲目標嚟射考下眼界，例如樹上的樹葉。
剛才個西瓜扑咗好耐都扑唔難，唯有切咗佢嚟食。SOPHIA起初驚買唔到西瓜，所以拎咗屋企個西瓜仔過嚟，後來又買到大西瓜，變咗我地總共有一大一細兩個西瓜。我地今日先食個細西瓜，點解西瓜皮可以薄成咁？
大熱天時又玩水又食西瓜真係好正﹗