二零二三年十月二日(星期一)
昨天吃過酒店的早餐還算不錯,付出同樣的價錢一定比落去茶餐廳吃早餐好,所以今早繼續加$128在酒店吃早餐。
係酒店餐廳食早餐當然要繼續食凍燕麥,另外又試下中式早餐。中式早餐入面最受大家歡迎係魚肉燒賣,三層的點心籠每次最快無晒都係魚肉燒賣,仲要下層都無,所以每次出去拎食物都要特地幫恆仔和逸逸兩個燒賣控留意住。
今日逸逸繼續做7仔,幫我地供應飲品。
收搭好行李CHECK OUT後就出發去玩了﹗
我地搭車去金鐘,一出PACIFIC PLACE就見到好多可愛的BEAR BEAR~
仲有好靚的天花裝裝飾燈
今早的目的地是香港公園,因為想帶逸逸去玩早幾年上晒新聞的招牌長滑梯。
依個可以行入去的水簾涼亭係我小時候最喜歡的香港公園景點,逸逸都超級鍾意。
最鍾意玩水
睇下佢幾興奮﹗
玩到成身濕晒~
經過人工湖,估唔到除咗雀仔、烏龜之外,連野豬都見到,後來上網睇返,原來係香港公園見到野豬應該要報警的……
依家佈置中秋的兔仔燈全部用太陽能,值得一讚。
大花燈
依家香港公園另一個重要景點觀鳥園維修緊,要年尾先至開返,下次可以再來。
行了20分鐘,終於來到兒童遊樂場了﹗
依條長約4米、高約3米的黃色滑梯,對於係沖繩玩咗好多長滑梯的逸逸來說,真係稱不上長,不過依條滑梯更吸引的其實是它背後的故事。它曾於2015年1月被康文署以沒有零件復修為由而直接拆除,結果一班媽媽發起網上聯署,最後經過接近兩年的時間,終於成功爭取原址重新興建依條外貌近似的長滑梯。
相比起滑梯的長度和斜度,佢上面梅花間竹的透明部份更加吸引,因為小朋友可以同媽媽SAY HELLO~
有得玩沙好開心,隔離仲有洗腳池,配套很好,可惜我們在這兒發生了不愉快的經歷。
我們在這兒遇一對說普通話的姐弟,姐姐一直霸住沙地的鏟泥車,自己行開就叫弟弟坐下來霸位,弟弟坐唔定行開,逸逸走埋去玩,弟弟轉頭回來竟然一手推跌逸逸。我跟弟弟說他這樣做不對,姐姐回來問發生什麼事,我講完她就完全無再理會我自顧自繼續玩,真的是一對壞小孩!
逸逸竟然比一個站著跟她坐下來一樣高的小弟弟推跌,看看內地的小孩多強悍。
這兒是逸逸的秘密通道,她特地帶我來看。
玩完遊樂場,我們去參觀旁邊的香港視覺藝術中心。
這兒有一個手尋博物館,展品都是以手為主題。
由光纖控制的手
KEYBOARD手、電視搖控手、插蘇手、唔知多隻手……
仲有巨型大手
臨走仲可以玩類似鐳射紋身,好似上次參觀麥當勞麥樂雞展咁樣。
我地係地下的香港公園入口入場,然後係頂層的堅尼地道入口離開,保安姨姨仲好好教我地係度點樣行去動植物公園。