二零二三年七月二十一日(星期五)
今天早上睡到6:45AM就醒了。
其實昨晚睡得不錯，只是因為太陽已經升起，曬到熱醒了我。
逸逸瞓到差不多7:30AM才起來。
今天早餐吃芝士夾麵包
我地特地將桌椅搬去樹藬下吃早餐，咁樣先至無咁熱~
食早餐的時候聽到有蟬叫，原來隻蟬就係我地旁邊棟樹上面，真係睇小說先至感受到的夏天情懷。 (按上圖可以聽到蟬叫)
食完早餐逸逸跟咗朗朗爸爸媽媽去咗海邊，我就係營地附近逛逛。
洗手間後面就係海邊了，個海好靚，不過沙灘比較多石頭，仲有咁多其他嘢玩就唔會覺得海邊玩係TOP PREFERENCE。
依一排係成人健身器材，我都逐樣試玩咗一陣。
班小朋友唔係度，我終於可以嘆下張吊床，係樹蔭下搖下搖下真係好舒服。
AIDEN爸繼續做大廚，佢整咗沖繩苦瓜炒蛋請我地食，YUMMY~
營地周圍都係汽水機，天氣太熱，成日都忍唔住去買凍飲。
去海邊睇下逸逸有咩玩，原來朗朗爸爸媽媽係度釣魚，小朋友就帶左麵包去餵魚，佢地跟我返營地。
中途竟然俾我地見到蟋蟀，彤彤昕昕帶咗捕蟲盒，佢地即刻返去營地拎，不過再返到嚟蟋蟀已經走咗了。
小朋友唔知做乜好，彤彤昕昕提議帶大家去嘆冷氣，我同朗朗媽媽陪同。
有冷氣的地方就係依個鄉土館了。
一入到去就見到好多扭蛋，好邪惡。
旁邊有小食店
最吸引小朋友當然就係依個波波池了。
成班小朋友玩到癲晒~
好靜的可以填下顏色
又可以睇下書(不過要識日文)，我發現我的日文拼音閱讀能力都還可以，跟得上彤彤昕昕的速度。
DEREK揀完圖畫就交個任務俾我，叫我幫佢填顏色，交帶完就走返去玩波波池，哈哈~
填完一張又俾另一張我，最後我將兩張我的大作送返俾DEREK，好彩佢非常滿意我的作品。
我地去涼冷氣時恆仔都有自己周圍逛逛。
嘆完冷氣返去營地，廚房已經有工作人員開始生火，我地BOOK咗爐一陣焗PIZZA呀~
我又出去自己行下
望住廣闊的藍天和草地，心情特別輕鬆~
依個係比較舊一點的兒童遊樂場
行遠少少就係人工湖
昨晚探險時經過見到有前往瞭望台的階梯，今天決定去看看，怎料原來昨天的階梯因為損壞而圍封了，所以找了一回兒才找到這條路。
一路往山上走，沿路都見到幾多日久失修的路段
終於看到瞭望台了。
可以看到好闊的海，正中間的圓頂就是營地附近的體育館
看到水上樂園的滑水梯嗎？其實這個水上樂園也是公園的設施，真係好誇張，另外這個公園還有一個室內游泳池，AIDEN爸爸提議過一起去游泳，不過GOOGLE MAP話要行21分鐘，實在太遠了。
行到返去露營區的OFFICE，原來門口都有幾部扭蛋機，依款露營扭蛋真係好可愛呀﹗