二零二三年二月五日(星期日)
逸逸學咗爵士舞一年多，今日第一次參加跳舞比賽。
今次參加的比賽是亞洲學生藝術節藝術大賽2023，9AM就要換好晒衫在灣仔壽臣劇院集合。
原來係無預備更衣化妝室俾參賽者，有啲表演者比較多的舞蹈學校會安排小朋友化好晒妝坐旅遊車出來，逸逸佢地個組只有5個小朋友，同埋我地係屯門出發實在太遠，所以情願讓小朋友多睡一會兒，約好在會場集合再在外面長椅化妝SET頭，眼見也有不少學校是這樣安排。
化好妝的逸逸，MISS KWONG會俾小朋友自己揀眼影顏色，真係好開心~
每個小朋友只獲發一張入場券，所以我入場睇，恆仔就去行下街再返嚟接我地。
下面全部都係參賽者的座位，家長全部要樓上雅座~
出場喇~逸逸佢地跳ITZY的SNEAKERS~
明明之前係外面練習時好似一團槽，踏上台板又跳得唔錯喎，剛才應該是未瞓醒~
SHOW TIME~
依一節比賽總共有19隊，按年齡組別逸逸個組有7隊，3隊優異、2隊季軍、1隊亞軍和1隊冠軍，逸逸佢地個隊拎到亞軍，叻叻﹗
頒發個人獎牌時全部背晒台
靚靚領獎合照
出到嚟輪流拎住獎盃影相
逸逸做得好好呀﹗第一次參加跳舞比賽，就登上壽臣劇院的舞台，係好好的體驗，攞獎就更加係錦上添花！
原來佢地跳完之後MISS KWONG帶佢地出咗嚟影相。
佢地啲POSE真係好有型呀﹗有無留意到當其他小朋友瞓晒地的時候逸逸堅持企係度？佢話驚整烏糟件靚靚舞衣喎~
晚上瞓覺前傾計，有以下對話：
逸：其實都唔係淨係冠亞季軍叻，所有有獎牌嘅都好叻
媽：都係嘅，不過點都係亞軍叻過季軍，冠軍又叻過亞軍。
逸：冠軍係叻啲嘅，但係佢叻啲都無禮物
媽：有呀，冠軍都有獎盃同獎牌
逸：我意思係小禮物即係糖嗰啲呀
原來糖比獎盃獎牌係更吸引嘅禮物😅😅