今次小旅行我們入住銅鑼灣的珀麗酒店。
我的逸逸寶貝真係好SWEET，就算曾經住過好大的酒店、有靚景又有露台的酒店、又或者好好玩的酒店，住返依種小小的市區酒店仍然會話：我真係好鍾意依間酒店~
好耐無見過人山人海的銅鑼灣
最近政府推廣「香港夜繽紛」活動，又適逢中秋節，在灣仔海濱水上運動及康樂主題區、堅尼地城卑路乍灣海濱長廊以及觀塘海濱花園發現號03舉行夜市，本來打算去看起來比較近的灣仔海濱，不過如果唔想行好遠路搭地鐵去最近的會展站要轉車，不如搭多幾個站一程車到去下未去過的堅尼地城卑路乍灣海濱長廊。
這個活動名為「堅農中秋夜市暨 K-Fest 海濱音樂會」
好靚的彩色兔仔燈籠
有LIVE BAND SHOW，雖然感染力一般，不過也算是令會場更加熱鬧。
逸逸搭緊車時已經話好肚餓，因為知道夜市一定有小食攤檔，答應了給她買魚蛋和燒賣，點知原來依度竟然就只有那檔上晒新聞的廿蚊四粒陪襯燒賣﹗
早前在尖沙嘴「星光夜市」有小食店以20元4粒的價錢出售「大大粒燒賣」惹來熱議，不少網民認為定價過高。而店方「香料案內所」回應表示店中主打是手製辣椒油，「燒賣從來只係陪襯」。
結果今次MARKETING非常成功，今次進駐堅農中秋夜市成為最受歡迎排最長龍的小食攤擋。
逸逸因為太肚餓，我去旁邊買了牛角窩夫俾逸逸頂下肚先~
烤到熱辣辣真係好好食，而且價錢都唔貴~
排了25分鐘終於買到燒賣，為了試下佢既辣油，我們買了一份唔辣的魚肉燒賣，以及一份櫻花蝦少辣辣椒油豬肉燒賣。燒賣真係比平日大粒都幾多，至於辣椒油的味道都唔錯的，不過又唔算好突出。不過逸逸就好欣賞個唔辣的燒賣，自己食左3粒半，點解唔係食晒4粒？因為我同恆仔都想試下魚用燒賣，但係逸逸只肯分半粒俾我地兩個分享咋~
依度除咗有小食攤位，仲有好多座椅俾街坊坐低食嘢休息賞月，配套好好﹗
好浮誇的表情~
臨走影下靚靚兔仔燈籠
下一站係維園中秋綵燈會
對上一次來維園參加中秋綵燈會原來已經係十年前了，當時特地過來看舞火龍，逸逸去年常識科都有介紹維園的中秋綵燈會和舞火龍，佢都話好想睇，不過印象中要等好耐同埋攪到好夜，大個少少先喇~
可愛的青蛙
同場亦有中國戲曲節2023活動的「太平處處是優場——維園粤劇戲棚匯演」，所以亦設有粵劇棚戲為主題的花燈，上次我地係沙田的香港文化博物館睇過粵劇的介紹，仲用電腦玩過模擬上妝粉墨登場，所以逸逸對粵劇也不會陌生。
今日維園大戲棚上演的是由龍嘉鳳劇團上演的《白兔會》
我地係旁邊偷睇咗一陣，不過我對粵劇都無乜認識，見到佢地抱住個假BB走來走去，唱下歌加埋做手，又有字幕，好似都OK有趣。
竹林與大熊貓花燈
這是由佛山師傅創作的走馬燈「秋意月影耀良宵」
走馬看花的看了一會兒就趕住去買晚餐，因為這時已經9:30PM了。
唔肚餓的BIRTHDAY GIRL堅持晚餐要食JOLLIBEE，入到去逸逸問點解全部都係外國人嚟既？
追月夜買完外賣邊賞月邊行返酒店
今天的晚餐係炸雞同薯條，逸逸食咗幾啖雞同埋幾條薯條就去咗浸浴，之後就舒舒服服咁瞓覺休息了~