玩完陶瓷，來到我們的午餐及SHOPPING時間，我們要購買今晚的BBQ食物以及明天的早餐。
司機接送我們去全沖繩占地最廣的購物中心 – 永旺夢樂城沖繩來客夢 (AEON MALL Okinawa Rycom)。
商場中間竟然還有個大水槽，沖繩真係周圍都係水族館。
小朋友玩完陶瓷已經FRIEND咗，一落車就一齊跑埋去睇魚~
我地同DEREK一家一齊搵食，因為完全無對依間AEON MALL做任何研究，唔知有咩好食推介，最後揀咗係3的美食廣場食午餐，後來我地係依度仲遇到AIDEN一家添。依個美食廣場真係超級大，而且係大到有車仔可以俾你推食物返座位架~
幫逸逸點了一個咖哩飯兒童餐，逸逸仲同DEREK交換啫喱。
我和恆仔就點了兩家餐廳的食物分著吃，選餐的原則就是只吃日本菜。
首先就是被選中的就是ローストビーフ星(RoastBeef Hoshi)，看起來嫰嫰的牛肉加隻蛋真係好吸引，不過吃下去味道就OK喇，始終醬汁的口味有點獨特不太習慣。
反而另一家穩陣派的鳥玉EggFarm TORITAMA真係好好味，我們點了親子丼同埋煎雞蛋，話時話我可能係第一次係日本食最家常的雞蛋雞肉親子丼。
DEREK媽媽買了一份士多啤梨PANCAKE做甜品，也分了一份給逸逸和AIDEN，小朋友們都非常開心。
食完午餐就開始大朋友的購物任務，去商場另一邊的超級市場買今晚BBQ晚餐的食材和明天的早餐。
超級市場好大，樣樣都想買，好難決擇，不過早餐食麵包就最方便，唔太喜歡食肉的逸逸今晚BBQ可能都係食麵包。
終於有機會係日本買肉了，和牛真係又平又靚，我們買了980円/100G的黑毛和牛側復肉(右下角)，個樣真係好靚﹗
除了牛之外，我們還買了豬肉、肉丸、腸仔和多春魚，也買了一些漬菜和飲品。
逸逸俾攤檔的VIDEO吸引住……
最後我地用了接近一個小時先完成今次的購物任務，SOPHIA特別提醒大家係出口位置取冰，是免費的，可以先凍住食物，去到營地再放保溫箱，以更佳的狀態留待晚上享用。
見到有煙花賣，可惜營地唔可以放煙花……
行路去集合地點時，見到寵店，小朋友望住小動物又流連忘返。
我們約好2:30PM在DAISO 100円店集合玩小朋友購物任務，今次連沒有參加陶瓷體驗的SOPHIA兩個女兒彤彤和昕昕以及帶住3歲半和15個月大仔仔的家庭都加入了。
派發任務紙以及小袋子，每個小朋友的任務都唔同架，逸逸被分派負責買燒烤夾以及紙碗~
小朋友聽住SOPHIA姨姨指示排好隊
每人獲發300円，購物任務開始~
入到去兩層高的DAISO，小朋友一開始都被玩具或自己喜歡的小物品所迷惑~
地下無再上二樓搵
逸逸其實都幾迷惘，最後在我和恆仔的提示下終於任務成功喇~
不過俾錢就等佢自己處理，話晒早幾日都試過自己去買鹿餅~
兩件貨物200円再加稅，所以係要找贖架~
我得咗喇~
買完嘢，大家一齊浩浩盪盪的出發去營地了﹗