朝早問逸逸想玩大白鯊定侏羅紀睇恐龍，最後順路玩咗大白鯊，結果一直對恐龍念念不忘，所以下一站我們去了玩JURASSIC PARK: THE RIDE。
十年前去UNIVERSAL STUDIO SINGAPORE都有去過JURASSIC PARK園區，個入口一樣架，不過入面的設施就唔同。
點解要影依個汽水機？因為佢可能係成個環球影城唯一唔駛排長龍可以買到飲品的地方，亦因為飲品小食車經常都大排長龍，見到就情願飲水，我們節省了好多買飲品買小吃的錢。
我們坐著黃色小艇在戶外的野生區域探險睇恐龍，突然響晒警報出現危險俾暴龍追……
最後就係滑浪飛船式衝落嚟，今次係逸逸第一次玩滑浪飛船式遊樂設施，坐第一排的我們全身濕晒~之前係香港玩灰熊山谷隻熊會郁同埋期間有音效都話好驚的逸逸，竟然話JURASSIC PARK: THE RIDE好好玩，真係估佢唔到﹗
玩完JURASSIC PARK: THE RIDE大約5:10PM，我們周圍逛逛等待5:30PM開始的下一個節目：SUPER MARIO POWER UP SUMMER。
逛逛HOLLYWOOD區
今次我們完全錯過了小黃人做主角的MINION PARK，係度影相補返數~
好可愛的獨角獸，原來佢叫做FLUFFY UNICORN，係小黃人系列電影《壞蛋獎門人》的角色嚟架~
夠鐘參加SUPER MARIO POWER UP SUMMER了﹗
大家乜咁重裝備著晒雨褸既？
我地都幫逸逸著咗雨褸，不過佢嫌熱唔肯戴帽仲打開晒個領~
MARIO、LUIGI、碧姬公主同埋奇諾比奧都出嚟同大家一齊跳舞
大家分晒組為自己的角色納喊助威，有唔同的舞蹈動作同埋口號，我地係碧姬公主組呀﹗
開始噴水喇~
水力真係好強，絕對係始料不及~有遊人當機立斷即刻離開WET ZONE。
台上演藝人員的水槍係經過改裝，基本上係一條駁咗水喉既水槍，加埋台下觀眾的水槍四射，無可能唔濕~
戰況越來越激烈，完全係成條水柱射埋嚟，咩叫水柱橫飛就係依啲喇~我又想影相，無帶防水袋又擔心部電話會報銷，所以係KEEP住眼明手快見到水柱向我們方向都要立即收埋電話，所以相片拍下的只是最溫和的畫面。
睇下逸逸跳得幾投入，全個SHOW都超級HYPER呀~
逸逸著咗雨褸都成身濕晒
我同恆仔更加係由面至底都全身濕透，剛才的JURASSIC PARK: THE RIDE的所謂濕身原來只係小兒科。明明ANNOUNCEMENT同迪士尼水花遊行講的對白都差不多，點解程度可以相差咁遠？原來嚟玩水要帶定衫嚟換。
太陽開始落山，全身濕透的我們無可能唔換衫，結果唯有下一個節目係逛紀念品店和被迫買紀念品。要買衫原來都唔係咁簡單，因為我地無乜逛過舖頭，唔知係邊度先搵到合適的衣物。開頭入咗兩間在HOLLYWOOD區的舖頭，冷氣超級凍人又好多，而且不是沒有男裝就沒有童裝，最後諗起今朝玩大白鯊時那兒的紀念品店也有衣服，最後一家三口的衣服都在那兒完成採購。
變身成功
最後我地用關門前僅餘的時間玩埋WONDERLAND
全家換咗大白鯊裝，逸逸個套係大人衫當oversize裙著，佢話自己依件衫可以著到變大人好開心呀﹗
最後玩埋飛天Snoopy作結
玩完飛天Snoopy，我地俾旁邊的Snoopy音響舞台歷險記吸引咗過去~
依到好多好正的影相位，鍾意Snoopy的話千祈唔好錯過。
逸逸玩依個控制天氣的遊戲玩到唔捨得走~
最後我地玩到7PM，正式廣播今天營業時間結束先走~
真係由天光玩到天黑，玩足11個鐘，對於剛病好的逸逸真係體能大挑戰，所以逸逸只要有得玩真係好有毅力好崖得，不過平日迪士尼的排隊訓練、帶咗排隊小椅子同埋妹妹開俾逸逸的長效鼻水藥都真係好幫到手，逸逸已經講定要下次再嚟！
我們在USJ外的商店街吃晚餐，揀了顧客一般無坐得咁耐排隊應該相對比較快的風神雷神拉麵，等了接近半個鐘才可以入座。
食物味道都OK，不過始終太累，其實食乜都係麻麻地，食之無味~
幫逸逸點了兒童餐，胃口都未係好開，咁細碗都只係食到半碗~
食兒童餐有得抽扭蛋好開心﹗
商場都繼續周圍都係SUPER MARIO，逸逸見到栗寶寶即刻話要影相~
行過酒店門口見到靚靚燈飾又話要影相，乜你咁好精力架~
返到酒店睇電視，竟然係一個日本人去香港重慶大廈探險的節目，入埋CONTROL拍攝CCTV畫面，仲要訪問埋個物業經理，影CCTV畫面好似會違反個人私隱條例架喎，點解會容計佢地咁做既呢？