離開會展站,我們搭地鐵去九龍站前往下一個目的地。
途經香港站,發現一個大泳池,逸逸即刻跳落去扮游水。
經過ELEMENTS的COLOUR SYMPHONY,真係好靚,仲突然有個職員姐姐送咗個萬花筒俾逸逸添﹗小朋友最愛色彩繽紛的世界。
我們去咗M+入面的ADD+食LATE LUNCH,食物都貴,不過個公司三文治真係幾好食,而且夠大份,仲要包薯條,一份己經夠晒我地三個食。
我們今天下午的節目是參觀香港故宮文化博物館,行緊過去時發現了西九文化區依家有一個以麥樂雞為主題的藝術展覽「Coach McNugget Art World」,見咁有趣立即買咗5PM-6PM時段的入場券。
終於來到香港故宮文化博物館,它於2022年6月開館,我們到今天才過來逛逛。
香港故宮文化博物館其實可以網上買票,不過要預先揀定入場時段,我們行程不太確定所以打算即場購票,沒想到即場排隊買票的人很多,排了差不多半個小時才能進場,只係淨返一個小時參觀。
我們揀了2號常設展廳:紫禁一日清代宮廷生活
展覽主要是透過300多件故宮珍藏的18世紀文物,讓參觀者了解紫禁城內從清晨到夜晚的生活點滴。
有一段VIDEO講皇帝點樣穿上朝服,以及戴上不同的配飾。
旁邊就展示VIDEO入面所戴的配飾以及其簡介,原來皇帝隨身攜帶武器架﹗
好有心思的裝修,逸逸主動話要係度影相。
正好有個導賞員在講解,原來依個係用來放蟋蟀的玩具,突然諗起以前睇過的一套兒童劇《蛐蛐》。
好細的書
和珅送給乾隆的禮物
好靚的圖章,看這個的時候,我們也告訴逸逸她也有自己的圖章,回來還特別拿出來給她看。
御花園個假山又幾有FEEL
寫書法
我同逸逸都寫得好肉酸,哈哈~
這個好像是看乾隆的夢
兩母女瞓係度一齊睇
我地其實仲睇咗擺壽宴同太后賀壽、暢音閣睇戲曲表演、宗教佛像等等依啲我都覺得好有趣的部份,成個舖排好有心思,連小朋友都好容易睇得明白。
我想講其實比北京故宮現場參觀更加引人入勝,連逸逸都睇到津津有味。