二零二二年十二月十一日(星期六)
今天的康樂會聖誕兒童遊戲日再有新攪作，連續兩個星期六日每日分三節舉行，只限有12歲以下小孩的員工購票，小童特惠門票為$20，成人同行特惠門票為$45，全部都要憑職員証或家屬証進場。
繼2021年暑假之後，我們第二次來LEGOLAND DISCOVERY CENTRE玩喇~
我們參加1:30PM-4:30PM的時段，未夠鐘入場，先周圍逛逛，去年這個LEGO是以MARIO為主題，今年換上了尖東的聖誕燈飾，好有節日氣氛。
同LEGO人仔影相
除了入場券，門票還包括每個家庭可以拍攝家庭照片一次。
影咗兩張相，DOWNLOAD照片時就可以一次過配晒咁多款相框，梗有一款啱心水，我自己就最鍾意LEGO牆，仲有一個FILE係動畫，有LEGO好似雪咁慢慢係天空上面跌落嚟架~
已經不是第一次來，所以沒有在MINILAND參觀，直接去到逸逸最喜歡的古堡歷險~
鍾意到咩程度？就係我地依一日總共玩咗三次呀﹗
今次我地個PLAN可以要埋張相~
跟住去睇4D電影，因為時間關係最後我地係同上次睇同一套電影 – The Lego Movie: 4D – A New Adventure，逸逸因而好興奮，因為她記得有噴水，我就覺得有啲遺憾。
來到另一個機動遊戲魔法轉盤，今次逸逸終於夠腳長掂到腳踏，但係未夠力踩，所以只被寵幸一次。
樂高城市歷奇 – 係逸逸另外一個特別喜歡的地方，總共玩咗4.5節，最後嗰0.5節其實係就快完場，職員俾佢哋玩埋最後5分鐘。
逸逸依家大個女，由佢自己係入面玩就算了~
聖誕老人LEGO
雖然剛入場時我地係MINILAND直行直過，但係我地又返去喇，因為原來今日有小遊戲~
第一俥任務係搵聖誕老人，要係城市縮影入面搵依四個人仔出嚟都唔容易~
逸逸都有好認真幫手搵，仲同另一個小朋友有商有量添~
其實仲有另外一個任務，就係要係成個場館入面搵五支聖誕士的，依個任務係我趁逸逸去咗玩樂高城市歷奇的攀爬架時做的，今次真係行搵晒成個場館。
我同恆仔仲係COFFEE SHOP坐低飲嘢
嘆啡
仲買咗小DONUT
原來小朋友的入場券還包一份DOTS的手鏈~
可以自己設計自己砌圖案架
最後一站梗係LEGO SHOP，逸逸砌minifigure砌到樂此不疲~
我就去揀LEGO，因為每個小朋友仲包一張$100 COUPON，除了不設找續之外，張COUPON無任何其他的CONDITION，最後只係加咗幾蚊就帶咗依盒貓仔LEGO返屋企了。
同雪人影埋相就講BYE BYE喇~