四日三夜市區遊 – DAY 2 – LEGOLAND DISCOVERY CENTRE (上)

二零二一年八月十日(星期二)

昨天CHECK IN關於早餐有兩樣HIGHLIGHT,第一就是職員說我BOOK房時無提到有小朋友,所以電腦顯示只包兩份早餐,不過佢都加返一份俾我,提我下次BOOK房時記住加埋小朋友,但係我其實BOOK房時有MARK的;第二樣就是要逐日去RECEPTION COUNTER拎第二朝的早餐券,早餐分兩個時段,印象中應該是7:00AM-8:45AM以及9:00AM-10:30AM,不過我們CHECK IN時較晚時段已滿座,我們只能乖乖的早點起床,8:45AM前要食完早餐。

開開心心食早餐

Holiday Inn的早餐選擇都算多,對我來說最吸引的就係久違了的雞尾包以及雜錦生果盆。

要一早起身食早餐,但因為本身係諗住瞓飽先出發,所以今日預約了11點Legoland Discovery Centre,於是食完早餐先去預約明天的早餐,再去預約下午游水,然後就可以係房悠悠閒閒咁睇吓電視。

差唔多時間先慢慢散步去K11 Musea的Legoland Discovery Centre。

第一次知道Legoland Discovery Centre是在日本東京台場的DECKS,同我們曾經去過馬來西亞新山的Legoland相比,當時心想係商場租個舖位最多咪係入面玩吓Lego,點解入場費咁貴?嗰時逸逸未夠1歲仲係BB,當然唔會入去,連寫blog時都沒有提及見到Legoland Discovery Centre。

到香港開Legoland Discovery Centre,仍然覺得唔關我事,手指仔唔太零活的逸逸仍然只係玩緊Lego Duplo的階段,也不是喜歡用Lego設計東西的類型,覺得適合比較大一點的小朋友。直至預備今次旅程,先至再次留意Legoland Discovery Centre,睇落玩意都幾多元化,總會有合適逸逸的,最後才安排了今天早上的行程。

未夠鐘入場,先參觀一下入口對面的Lego Shop。

隻大獅子好可愛

又見到逸逸近期才認識的Mario系列

好吸引的Lego,我差啲就忍不住買了Lego盆栽⋯⋯

入場喇!場館入面設有10個不同的主題區,可以慢慢Explore。場館於假日設有3小時上限的遊樂時間,如果唔食嘢一定夠時間玩,而且也看不到任何控制遊樂時間的措施,你唔走佢都唔會理。

第一部分是Miniland,用Lego砌出充滿香港特色的著名景點,還有日夜變化,香港真係好靚。

尖沙咀鐘樓

仲可以捐嗰人入去同景點合照

依度個天台乾淨過我哋酒店望到嗰啲好多🤣🤣

晚上的廟街

中環Cityview,還有摩天輪⋯⋯

金紫荊廣場

深入地底的灣仔站

窺探一下香港的公共屋邨

大嶼山天壇大佛

最吸引逸逸的係最近我們才親眼目睹的大澳中華白海豚

跑馬地快活谷馬場,可以即時來一場賽馬,按扭最快的獲勝。

睇完Lego城市縮影之後,就去排隊玩機動遊戲,這個名為古堡歷險的遊戲是要乘上勇士座駕,用鐳射槍瞄準怪獸魔鬼,拯救公主,逸逸又驚又覺得好玩。

之後我地睇咗一套4D電影 — The Lego Movie: 4D – A New Adventure。其實還有另一套電影LEGO NINJAGO – Master of the 4th Dimension輪流上映,不過我地唔夠時間睇埋。

除咗一般3D效果之外,故事入面都好多噴水的情節,逸逸都有少少被嚇到,怕濕身都就真係要考慮下。

Comments

comments

發表迴響

你的電子郵件位址並不會被公開。 必要欄位標記為 *