今天晚上本來計劃去昨天沒能去成連續舉辦兩晚的京都祇園祭宵山祭典。
睇完網上的分享，見到昨晚的人潮，再看看身旁正在休息病了的逸逸，我決定放棄了。立即改變行程當然無難度，因為本來在預備行程的時候已經仲有好多嘢想做又無咁多時間要做的事，例如去睇夜間限定的teamLab Botanical Garden Osaka……
teamLab Botanical Garden Osaka於長居公園入面的長居植物園舉行，我地搭地鐵去長居站就可以到達。
點解長居站內貼有咁多J LEAGUE大阪櫻花的宣傳品？
原來長居公園除了設有長居植物園之外，仲有球場設施的綜合公園，而大阪櫻花的主場就是位於長居公園入面的長居球技場。
公園入口仲有間櫻咖琲添~
球會旗幟引領住大家向球場的方向走去，明明我們的目的地長居植物園在公園的右邊，我們雙腳卻忍不住向公園的左邊 – 長居球技場的方向走去。
CEREZO是西班牙文櫻花的意思，而櫻花也是大阪的市花。
越行近球場，慢慢開始聽到一些熱鬧的聲音，原來球賽正在進行中，那些越來越大的吶喊聲真的聽得人熱血沸騰﹗
大家一齊感受一下大阪櫻花球迷的吶喊聲
這天的比賽原來是大阪櫻花VS浦和紅鑽
看看觀眾席旗旘飄揚，非常熱鬧，真係好想入去觀賽，真係要搵次去日本睇下J League。
我地在外面睇左大約10秒就被職員勸喻要離開了，咁又係，個個都係外面觀賽點得？
天開始黑，手上無咁清楚的地圖，我地又唔係太了解teamLab Botanical Garden Osaka的入場位置，唔敢行捷徑，所以最後兜遠路行返出公園入口再向右邊的長居植物園進發。