二零二三年六月二十四日(星期六)
近年都幾鍾意參加公司康樂會的本地遊，價錢優惠之餘，最重要是團友都是自己同事，大家都要維護自己在公司的形象，所以都比較溫文儒雅。
今次看中了《西貢夏夜釣墨魚海鮮團》，每個同事最多可報10位，海鮮餐每席10人，於是我們一家九口再邀請埋菊姨同行報名參加，最後順利中簽，我們一行十人出發了。
集合地點是西貢巴士總站側近水池位置，我們搭地鐵去到彩虹站轉小巴，大鄉里逸逸見到彩虹站真係有彩虹非常興奮。
依度都有彩虹架~
一齊跳舞
出發釣墨魚之前先去食海鮮餐
地點係永和海鮮酒家
無諗過依餐海鮮團餐係意料之外的好味道，最正係碟排骨，真係好好食~
三表姐妹可以一齊去玩就最開心
一齊係壁畫前影靚相
原來除咗梅窩之外，西貢黃昏開始都係周圍都有牛架~
攔路牛
食完飯仲要食飯後甜品，我食咗支鐵觀音奶蓋珍珠好好味~
依隻就係我地今晚坐的船
預備上船喇~
同事主動幫我地影相真好~
開始之前領隊先同我地介紹一下釣墨魚，原來我地約的其實不是墨魚而是魷魚，另外，有無收鑊同個人技術無乜關係，主要係睇季節、風向、天氣同埋船家的技術(搵啱位)，所以釣得多唔係你叻釣唔到都唔駛失望？
仲要講解一下安全事項同理示範著救生衣
睇下依一幕令曉曉幾深印象，第二日都畫返依個場景出嚟。
每人獲發一個鈎
開始釣墨魚喇~
有一段時間大家都無乜收鑊，聽到同團另一隻船開始有收鑊，船家決定換一換位置。
我地就爬上上層影下相睇下風景，科大夜景真係好靚~
詩詩聽到她爸爸以前在科大讀書，於是問爸爸係咪要搭船返學，哈哈~
之後我地繼續努力
唔係我地釣到架~不過起碼我地同船的人開始陸續有收穫。
最後只有爸爸、妹妹和我堅持到最後一刻，可惜我們一行十人最後都係零收穫。
好彩同船其他人總共釣到19隻，我地都有份試到新鮮美味的魷魚，連平日唔食魷魚的逸逸都話YUMMY~船家好犀利，可以將魷魚分成好多份，不過我地無貢獻，都唔好意思食得多。
其實今晚好涼爽，雖然係釣墨魚方面零收穫，不過當遊下船河都唔錯，妹妹話要再嚟試到釣到為止，逸逸雖然話過悶但又話要下次再嚟喎~
曉曉為了讓我地堅持三人組一嚐釣到魷魚的心願，幫我地畫咗幅畫，依家我地一人有一條喇~