二零二二年十一月十九日(星期六)
一直都已經想行港版千島湖好耐,今日起床見到天朗氣清,加上十月時去過行鹿頸谷埔同埋藍地水塘都行得唔係好夠喉,就決定不如今日就去行山喇。
知道係掃管笏可以上山,依家屋企有架巴士K51A可以前往掃管笏,點知架車唔單止車程好長,佢仲要只係去到掃管笏的外圍,要行好耐先至去到登山入口,下次再來應該坐43號綠色小巴去到村口比較合適,不過總叫做有個機會逛逛這個陌生的屯門新發展區。
不過原來依度有日泊停車場,直接駕車過來仲方便快捷。
其實天后古廟先係入口,依個時候已經11:38AM了。
自助搭檔,靠HONOUR SYSTEM,自己入錢~
連冰凍飲品都有得賣,不過我地剛剛出發未有需要住。
雖然未需要飲品,但因為係入口前行得太耐,所以逸逸已經需要CANDY BOOST了﹗
沿路好多羊呀~
山路四通八達,依個入口原來可以去好多唔同的地方。
休息一下食少少零食,係逸逸同學仔媽媽送的百力滋,佢送的時候已經話唔好意思唔小心買咗辣味,不過唔緊要,一邊食一邊飲水就食到,多謝晒,我仲即刻SEND埋相俾同學仔媽媽添~
行到大約12:45PM,終於開始見到水塘。
見到條咁靚既路,影返輯港女六式先~
行到1:15PM,終於見到千島湖的雛形,但離最靚的觀景位置仲有一段距離。逸逸已經好累,但係我唔甘心行到嚟依度唔睇埋個景,於是建議逸逸跟住爸爸係度休息,我快步去觀景台打個咭再返嚟,但係逸逸堅持話要一齊去喎~
我地繼續上路,不過成個去程真係超多逸逸最怕的上坡路段,對她來說真係一個挑戰。
終於來到千島湖清景台的入口,其實仲有超多梯級要上,不過好神奇係逸逸只係上斜,但係完全唔怕行梯級架~
行下又休息下
1:50PM我們終於來到久仰大名的千島湖喇﹗果然聞名不如見面,真係好靚﹗幫我地影相的人好有Heart,近鏡遠鏡都影晒,仲影得好靚添,謝謝。
影完相我地就要趕回程,因為逸逸4PM要返主日學,最後係去到村口CALL的士,最激氣仲要係接咗CALL既的士唔識路入村,最後去到聖堂時間剛剛好仲趕得切食杯雪糕振奮一下精神。
有無發覺點解無提過食午餐?因為我地係無食午餐架,帶備的乾糧俾逸逸休息時食頂下肚,我同恆仔送咗逸逸去主日學之後先搵間餐廳食嘢~
下次都係唔好做啲咁瘋狂的事了~