返到房又係排隊沖涼的時間。
依家逸逸大個女，我可以放心讓佢自己留在露台享受ME TIME。
因為大家決定唔出去市區，我就心思思好想去做按摩，於是傾好咗恆仔帶逸逸落去KIDS ROOM玩，我就去做SPA。可惜原來依度的SPA實在太受歡迎，已經FULLY BOOKED，唯有去KIDS ROOM搵返兩父女。
連續第二日再嚟仍然玩得好開心
逸逸話覺得好似玩遊戲機MARIO咁喎~睇片請按上圖。
我地出咗去外面無冷氣的地方踢膠足球同埋射膠籃球，個VIEW幾正下，熱都唔係問題，反而空氣質素唔所以好焗就比較辛苦。
今日KIDS ROOM無乜小朋友，唯有由媽媽陪玩波波池。
同埋煮飯仔湊BB
KIDS ROOM其實仲可以俾錢做手工，逸逸又話想玩，但係我唔想帶多件嘢返屋企，而且畫畫做手工嗰啲成日三分鐘熱度，所以我話要錢既我地唔玩喇~昨晚先講完下次再有FACE PAINTING要錢就唔會畫，唔知逸逸會唔會覺得好地屋企好窮？後來我發現油顏色唔駛錢就問佢油唔油顏色，逸逸有點悶悶不樂說：「你又話要錢唔玩既？」我好興奮咁講：「依個唔駛錢架﹗」
最後梗係無油顏色喇~我地湊BB湊到我地個SESSION最後一刻先至離開。
返房嘆杯咖啡之後我地又出發喇~
今次我地上去27/F的VANA NAVA SKY睇日落。
Vana Nava Sky是酒店的天台酒吧，設有一個露天的全透明玻璃觀景台，可以一覽周圍的景色。睇咗前人資料，知道唔係幫襯都可以來參觀，不過要過來一定要先穿過餐廳，只要鼓起勇氣跟店員說來參觀就可以了。
睇下﹗連地板也是用玻璃建造架~為免刮花玻璃，所有進入觀景台的人都要穿上鞋套。
下面就係水上樂園喇~
我們一家都不是怕高的人
依張相睇落有啲奇怪，上身好明顯我是站在玻璃圍欄前面的，但係點解雙腳好似企咗係玻璃圍欄外面既？
一家三口自拍合照
齊齊欣賞華欣的黃昏
無等日落我地就返咗房休息，兩父女係房入面打機。
因為要送我一個RELAX的ME TIME做生日禮物呀~