二零二二年十月四日(星期二)
今年重陽節，妹妹相約大家一起去行山，上網搵咗幾個地點，最後揀咗據說全程道路平坦、沿路有蘆葦田和紅樹林、又有茶座餐廳可以補給的粉嶺鹿頸至谷埔行山徑。
我們在上水站集合，再坐一個站去粉嶺。
再轉56K專線小巴去鹿頸，排隊搭小巴的人很多，好彩車也多，不用等好耐就上到車。爸爸話今日唔係好舒服，所以留係屋企休息沒有來。
逸逸再次變身黏婆狂人
途經流水響，我認得上次我們去四季休閒農莊GLAMPING都係行依條路。
首先來到一片可以展示濕地生態的泥灘~
HELLO蟹仔
好廣濶的泥灘，好舒服~
沿路繼續向谷埔方向前進
好多人都同我地一樣選擇在重陽節登高，所以比較人多擠塞~
行下山呼吸一下新鮮空氣真係好舒服
這是鳳坑村，是一個客家村落，前面是一片未變金黃色的蘆葦田，如果轉咗色應該都幾壯觀。
新假期的網頁介紹依個係充滿歐陸風情的白色小碼頭，好似跨張咗啲喎~
沿路不停食食食，我地係鳳坑小食財記食咗綠豆沙，其實有啲後悔無試埋佢地的茶粿。
望住個海食糖水好爽~
行一陣又排排坐休息一下
依個灘有好多奇怪的黑色東西
阿DAY話似係用3D打印做出來的東西，唔知用嚟做乜既呢？
下一站又食，今次係宋伯山水豆腐花~
我地除咗食豆腐花，仲試埋涼粉，兩樣都好好味~
仲買咗支冰凍的紫貝天葵嚟飲添
來到行程終點站谷埔村，已到吃午餐的時間，本來都有諗過試試新假期也有介紹的松記士多，食下富有農村特色的客家菜。不過可能因為客人太多，坐下也完全沒有人招呼，也不知去那兒找到店員，加上小朋友也對這些食物興趣一般，最後決定返鹿頸先食午餐。
未食午餐就食下腸仔同埋餅乾頂下肚先喇~
然後就係例牌的行山食糖時間，逸逸都係因為有依樣嘢，先至咁鍾意行山。
有咗CANDY BOOST，小朋友都可以繼續有氣有力咁行返去起點。
我們在BB開心茶座吃午餐
食返份港式ALL DAY BREAKFAST都唔錯~
等小巴返粉嶺都要等好耐下
唯有坐係路邊打下機消磨時間喇~