返酒店沖完涼就出發食午餐，今日去的AROY@HUA HIN係酒店附近唯一靠步行可到達的靚靚餐廳。
其實都要在烈日下行十幾分鐘先到
高高的樓底加上它的建材，沒有冷氣也不會覺得炎熱。
開餐囉﹗我們來到的時候已經2:30PM，所以下層只有我們一台客。
大熱天時梗係飲沙冰，我們點了西瓜沙冰和菠蘿沙冰，正﹗
食物方面，都是點一些經典泰菜，包括炸蝦餅、菠蘿炒飯、炒BB芥蘭以及椰青咖哩海鮮。其實點菜的時候我以為係焗椰青海鮮飯，點知原來係餸，而且非常惹味，所以我地叫返碗白飯一齊食特別美味。
食物樣樣都好好食，不過唔啱逸逸口味。好彩依度有得叫炸薯條，其實明顥同泰國菜無咩關係，只係為咗唔鍾意食泰菜的小朋友遊客而設。
食飽飽散步返酒店，見到應該係由HOLIDAY INN和水上樂園同一個集團發展的住宅項目VEHHA HUA HIN。
佢其中一個宣傳賣點竟然係5年免費去水上樂園~
我地BOOK咗3:45PM-4:45PM去酒店的BRYDE’S KIDS CLUB，返到酒店房都無返就直接上遊戲室了，即場買咗兩對襪即刻入去玩。
KIDS CLUB都幾好玩，攀爬設施都幾巨型。
逸逸自己爬上爬落都好高興
不過慢慢開始要我陪玩波波池
好彩好快識到朋友仔
她是一個泰國的女孩子，叫做MINNIE，其實佢地兩個雞同鴨講，好似聾啞人士咁靠動作溝通。
不過佢地好似一見如故咁，玩得好開心~
外面其實仲有免費零食，小朋友掛住玩都無人幫襯，好似好可憐咁。
行程非常充實，玩完KIDS ROOM，我仲想試下酒店個INFINITY POOL~
恆仔話太凍唔肯落水
明明知道好安全，但係唔知點解逸逸去到池邊我就好驚要捉實佢。
兩母女自拍
我超級鍾意恆仔幫我地影依張相呀﹗