二零二二年十月八日(星期六)
今年公司再次包場海洋公園哈囉喂，帶住逸逸雖然都唔打算玩鬼屋，不過都當係一個可以購買特價門票的機會帶逸逸去海洋公園玩下。
今年太遲先諗起要BOOK車位，結果BOOK唔到唯有搭車，車程太長又無位坐，我們決定先在紅磡站的麥當勞吃午餐休息一下，再轉車入海洋公園。
來到海洋公園的時候已經2:15PM了。
今年共設有五大活動包括「潛逃太凶艙」、「惡靈廢墟」、「秦陵大逃脫」、「咒偶」以及透過手機App探索虛擬園宇宙的「『格』新園宇宙」，頭四項都係鬼屋，日間排隊的人唔多，不過都唔關我地事，至於「『格』新園宇宙」，一陣先介紹。
除左五大活動，其實都仲有啲小活動啱小朋友玩，例如依個小迷宮「嘩鬼迷失樂園」，都係可以用電話APP玩下遊戲。
仲有好多可以攞糖攞小禮物的小遊戲……
依棵叫做搗蛋糖果樹，扑爛個袋就可以拎晒入面啲糖同小禮物。
猜拳拎糖
答問題拎糖
逸逸已經可以同陌生人應對自如，唔再係怕醜妹了~
應對陌生人自如只限於正常人，好明顯逸逸係有啲驚依兩個黑白無常。
所以要同我一齊先可以好好合照
依個就係「『格』新園宇宙」，原來可以透過用手機APP掃瞄遍布景點裡不同角落的metaverse gateway，進入虛擬世界，與遊戲角色一同阻止入侵者搞破壞，拯救世界，並與勇者組成打不死強大軍團，挑戰不同任務……
不過我地淨係影下相咋~
我地搭逸逸最鍾意的海洋列車去高峰樂園
上到高峰樂園首先見到高大威猛的「哈囉喂南神殿下」，佢會郁同埋發出怪聲，逸逸其實有少少驚。
我地上來高峰樂園的最大目標當然就係去南極奇觀睇企鵝，佢地今日真係好活躍。
飼養員餵食中
我地仲見到企鵝疴屎添~
睇下幾多人圍觀
海洋公園出名遊樂設施唔啱小朋友玩，之前一直都無留意原來睇企鵝對面有一個小朋友都啱玩既過山車，100CM高就玩得，120CM高仲可以唔駛大人陪添﹗逸逸憧憬住好快就可以同曉曉表姐兩個人自己玩過山車，問題係曉曉究竟夠唔夠膽玩？
睇下逸逸幾從容，有玩過SPACE MOUNTAIN的經驗真係唔同啲~
出發喇~
逸逸最ENJOY依類只係單純追求速度感的遊戲，因為唔會好似迪士尼咁俾啲特別形造的氣氛嚇親。
之後進入北極之旅，估唔到海豹又開緊餐喎~
佢地又係超級活躍呀~
跟進我地去雪狐居探雪狐仔，佢地又係食緊嘢。逸逸上次來海洋公園已經俾雪狐迷倒，入園之前已經決定要買雪狐仔公仔做生日禮物，不過為免一直要拎住，終於成功說服咗佢夜啲先買，當然逸逸一貫的在擔心：會唔會俾人買晒架？
跟住我地去咗熱帶魚林探險徑睇下啲醜怪的生物
之後我地坐返海洋列車去海濱樂園，因為打算太陽落山前去澳洲歷奇睇樹熊同埋袋樹。
每一個都話要影相真係好忙
向澳洲歷奇的方向行過去，發現點解唔見晒澳洲歷奇相關的指示牌？上網查一下，原來海洋公園已經於2021年11月1日起停止將澳洲歷奇對外開放。上次來的時候仲以為因為太夜，點知原來當時已經無得睇。
HELLO鱷魚
熊貓又食緊嘢？今日真係好好彩，動物食緊嘢通常都特別活躍架~
雖然佢地個樣好唔同，但係全部都係金魚。
終於來到威威天地，可以盡情咁玩遊樂場了~
今次最受寵幸的就是這個爬斜坡加SIR滑梯，爬上去再滑返落嚟無限LOOP，仲要玩到樂而忘返，玩到無晒力。
我地仲第一次玩咗隔離的小紅熊堡壘，入面好多秘道，又幾得意喎~
跟住我地去埋隔離小狐獴與大象龜之旅，不過原來小狐獴已經休息了，只可以探下大象龜。
不過可以繼續同動物賽跑
逸逸仲係度扮咗大象龜添~
一般遊人夠鐘離園，我們要SHOW手帶先可以排隊玩昇空奇遇。
唔駛排隊就可以玩幻彩旋轉馬
玩完幻彩旋轉馬又玩埋環迴水世界，逸逸今日真係好鍾意金魚喎~
坐纜車上山喇~
冰極餐廳係海洋公園入面我最鍾意的其中一間餐廳，之前一早係THE GULU拎定飛，唔駛等好耐，我地去隔離買埋雪狐仔就可以入座。
點解咁鍾意？因為可以一邊食一邊欣賞我最鍾意的企鵝囉。
企鵝游水真係游得好快，真係好AMAZING
我當然就係食最鍾意大大份的FIVE COURSE冰極套餐，食物水準每一款都唔錯。
恆仔就食咖啡吉列豬扒飯。
逸逸當然就係食兒童餐喇~
逸逸依家大個女，自己都可以去睇企鵝，我地可以二人世界慢慢食。
食完晚餐帶雪狐仔去探雪狐，但係已經太夜，雪狐都瞓晒覺喇~
我地玩多次極地時速，今次逸逸一邊玩一邊舉高雙手添~
配合萬聖節，一路上都加咗好多燈光特效凝容氣氛。
我地玩埋我最鍾意的摩天輪先走，香港仔的夜景真係好靚~
逸逸超級鍾意啲霧，明明平日樣樣都話驚，真係估佢唔到。
我地坐返纜車落山喇~
海洋公園再見。