二零二一年十二月十八日(星期六)
每年公司都會舉辧聖誕兒童遊戲日,往年會在八鄉車廠舉行,對上一次參加是2018年,2019年因為社會運動取消,2020年則因為疫情關係取消,來到2021年公司有新諗法,改為海洋公園一日遊,晚上8時開始更是包場時間,不過只限有小孩的員工購票,小童特惠門票為$20,成人同行特惠門票為$80,全部都要憑職員証或家屬証進場。
如此特惠的價錢,我們一家三口只花$180就可以去海洋公園玩,縱使這天行程非常緊湊都要去玩一下。
逸逸今天中午有學校的聖劇表演,借用了天水圍一間中學禮堂舉行,食完午餐再擾攘一番,來到海洋公園已經4:45PM。好彩一早預約了車位,如果唔係就肯定無位泊車。
今日係港鐵康樂會聖誕兒童遊戲日,在驗票的位置有康樂會的同事檢查職員証和家屬証。
一入到去就見到著咗聖誕老人衫的威威司令,影返張相先~
講到明係聖誕兒童遊戲日,第一站梗係最適合兒童的威威天地喇~
昨晚才在迪士尼玩完轉轉馬,今日來到海洋公園竟然又急不及待的要玩幻彩旋轉馬。
跟住就去隔離巨人森林,今次逸逸唔再行樓梯,而係挑戰自己攀石上斜坡,雖然要她和同齡的小朋友比較,肢體真的不算靈活,但她勇敢嘗試而最後挑戰成功絕對值得讚賞。
見到纜車就好興奮
不過我地去睇下鱷魚先,依度又有真鱷魚又有假鱷魚,逸逸仲記得上次來好驚山洞入面隻假鱷魚,所以今次由我陪她入去跟假鱷魚親近親近。
跟住去探下大熊貓,難得今日大熊貓小熊貓都非常精靈活潑。
仲有好可愛的金魚~
香港老大街的花牌已經亮燈,好有氣氛~
因為太夜已經無得睇樹熊同埋袋鼠,改為去排隊玩環迴水世界。
逸逸揀咗坐海豚,依家大個女唔駛再同我坐雙人魚。
坐纜車上山
可以欣賞夜景,我地坐緊纜車時聽到對面纜車有人大嗌Peppa Pig,後來先發現原來大叫的係我同事個仔,真係好搞笑。
海洋公園星夜高峰GLAMPING的位置,望落真係好正,不過肯定都好貴~
我話好想玩一個過山車,於是恆仔帶住逸逸在下面等我,久違了的刺激感覺。不過係同一時間相片見唔到的故事更加有趣,話說當時除了逸逸之外,還有幾個小朋友也是在等大人玩刺激的機動遊戲,然後一起在抱怨海洋公園的玩意唔啱小朋友玩……
其實都係既,逸逸的年紀起碼仲有個威威天地啱玩,至於小學高年班的小朋友,刺激的機動遊戲唔夠高,威威天地又嫌幼稚,除咗睇動物真係無乜嘢啱玩。
之後我地去睇極地動物。
睇斑海豹……
雪狐
同埋企鵝
我地去咗灣景餐廳食晚餐,當然幫逸逸點個兒童餐,我就食紅酒牛肉,恆仔就食吉列豬扒,全部都好好味。
我地仲加咗一人一杯雪糕,點知恆仔食唔晒,最後係逸逸幫恆仔執手尾,真係風水輪流轉。
食飽飽就係睇水母
依家多咗個新玩意,可以影相變身做水母係個海底SCREEN飄浮,好可愛~
我人生的第一個過山車已經係2021年3月關閉了,未有機會係佢關閉前玩一次真係有啲可惜。
我地去玩摩天輪
又玩下攤位遊戲
本來諗住走,點知經過海洋摩天塔唔駛等又去坐下,升上高空欣賞一下夜景。
坐返海洋列車返去海濱樂園
好靚既夢幻水都
最後一站去埋海洋奇觀睇魚
今次加左聖誕佈置
入面已經無乜人,深深感受到海底的寧靜~
最後我地玩到10點半先走,盡興的一天。