自從愛上露營之後,加入了FACEBOOK 的香港人露營分享GROUP,才知道有中環夏誌 城中野 – 露營文化祭這個活動。
活動於中環海濱活動空間舉行,因為入口在添馬艦個邊,所以由中環碼頭行過嚟都有段距離。
好多地方俾逸逸跑,淨係跳水泡都跳到唔捨得出嚟~
寬敝的帳幕成為了遊樂小屋
大型波波池
煮飯仔
大型層層叠
仲有不倒翁
好有型的露營SETTING
車中泊的示範,真係好想試下,成日都話最衰係我地啱啱換咗新車先愛上露營,如果早一步的話,我地就可以揀一架更適合去露營用的車。
不過我就唔係太敢瞓車頂營,好似好驚會跌落嚟咁~
維他奶都有BOOTH
打咭有免費維他奶,雖然係室溫,但因為天氣實在太熱,一離場就咕嚕咕嚕一口氣飲晒。
出開中環,梗係順便玩埋摩天輪,排咗一個鐘頭隊,由傾盆大雨排到出少少陽光先到我地。
也幸好如此,因為有好天氣先適合坐摩天輪欣賞風景~
玩完落嚟甚至睇到少少晚霞添~