開始接近黃昏，我們來到河邊的三桅古帆船。
原來這是帆船餐廳Sirimahannop，由曼谷萬豪酒店（Marriott Marquis）的專業團隊管理，肯定好貴。
河邊見到有小丑扭波，沒有定價，只是放了TIPS箱在前面，好多小朋友排隊。
我地都有排隊，小丑哥哥的氣球設計好多元化，不過逸逸唔知自己想要乜嘢款式，我地同小丑又言語不通，最後小丑俾咗個樣版氣球逸逸，好彩逸逸都好鍾意，我地就學其他人一樣放20 Baht落個TIPS箱度。
好靚的雙層旋轉木馬，成個音樂盒咁~
難得遇上雙層旋轉木馬，梗係要玩上層喇~
果然跟單層的不一樣，另有一番風味。
隔離是鬼屋，逸逸叫我千祈唔好要佢玩。其實根本唔駛擔心，可能因為太驚嚇的關係，12歲以上先玩得。
我地去玩隔離的摩天輪
其實都貴貴地，大人500 Baht，小朋友200 Baht，不過好處是每組人可以獨立車箱。
上次來沒有登上摩天輪，作為摩天輪控的我今次唔可以再錯過。
下面就是舊倉庫改裝的Aisatique the Riverside
欣賞美麗的夕陽
玩完摩天輪我地去逛下DISNEY 100 VILLAGE的舖頭，也有逛夜市小店，還買了母女裝背心裙，可以明天一起著。
入夜的鐘樓又有另一番美態
上2/F就是收費局域WORLD OF FROZEN
DISNEY 100 EXPRESS TRAIN。看看逸逸頭上的紙皇冠，係咪好襯ELSA的色系？啱晒一班迪士尼控。其實係一家唔知咩公司在市集派的小禮物，逸逸對它愛不釋手。
剛才吃得太飽，吃不下晚餐，離今晚睇SHOW還有點時間，我們周圍逛逛影下相。
突然間”呯”一聲，我的背囊其中一邊背帶斷咗呀﹗依個背囊只係買咗一年半，嗚嗚……臨急臨忙用個環保袋放住啲嘢先。今次我仲要無帶斜揹小袋子，好彩我地帶備咗宜家的黑色背囊放SHOPPING戰利品，雖然薄身啲，起埋叫做有個袋用住先喇。
終於搵到埋最後一個收費PIXAR PUTT，原來已經關門了。
我地坐咗係對面草地的豆袋SOFA飲下嘢休息一下，係香港就算有依類形休息的地方通常都坐滿人，邊有好似我地咁可以任揀位坐咁爽。