逸逸講話想養寵物講咗好耐，因為我有鼻敏感，所以有毛的動物都不可以，所以之前講好咗佢要識得好好照顧自己就讓她養龜仔。
點知還未等到合格可以養龜仔，幼稚園竟然送咗份養蝦仔套裝做散學禮禮物，但係包裝上面的教學係全韓文，最後我地要搵埋Rita的韓文老師幫手睇先比較清楚明白。
依個就係蝦仔屋企
請安上圖觀看影片
養蝦仔依件事好似發一場夢咁，好快就完咗，首先將好似粉末的蝦苗倒入水，然後每日用手泵泵空氣入缸，等幾日突然好多蝦仔出世就開始餵糧，蝦仔慢慢長大，但係數量一日比一日少，慢慢淨返三隻比較大的，最後都無埋，成個過程唔夠一個月就完了。
暫時去到今日，逸逸都無再提過要再養寵物的事了。