曼谷華欣生日之旅 – DAY 1 – 披星戴月去旅行

二零二三年四月十一日(星期二)

今年的生日終於遇上學校的復活節假期,繼2018年的東京河口湖生日之旅後終於可以來一趟曼谷華欣生日之旅,在外地過生日。

今次揀咗逸逸好鍾意的泰國,上次去泰國除咗去曼谷仲玩埋芭提雅,包車過去好方便,又比較有度假FEEL;今次諗住試下去華欣,仲特地揀咗住HOLIDAY INN RESORT VANA NAVA HUA HIN,因為水上樂園就在旁邊,住客免費無限次進場。不過買咗機票訂咗酒店之後就開始有少少後悔,首先2019年12月去芭提雅時光顧的香港包車公司已經結業,妹妹光顧過的台灣公司都無咗,要重新搵過一間新的包車公司,但網絡上都唔係太多客戶意見,令人好不安。另外,因為疫情的關係,華欣一帶UPDATE的旅遊資訊少之又少,不少包車去華欣會玩的熱門景點不是已經結業,就是不確定是否已經重新開放,總之就是在安排行程上確實有點難度。

今次我們乘搭泰國航空,原本訂的是6:55PM出發的航班,放工後要衝去機場的,後來在3月下旬卻接到通知有航班變動,出發時間改為7:55PM,泰國時間9:35PM到達曼谷。本來覺得這個改動還不錯,放工出發時間比較鬆動,結果原來都只是假像……

我們大約5:50PM到達機場預備CHECK IN

開得好少CHECK IN COUNTER,寄好晒行李拎埋登機證已經6:30PM,本來還在擔心夠唔夠時間同逸逸食少少嘢先上飛機,結果收到地勤職員通知我們的飛機要DELAY一個半小時,預計9:30PM才起飛,於是唯有即時轉陣,改為先去吃晚餐了。

和上次聖誕時去韓國相比,機場的店舖營業情況開始好轉,例如當時仍然停業的DISNEYSTORE和翠華餐廳都已恢復營業,不過翠華仍然未恢復晚市。

所以我們去咗食麥當勞,我食咗間唔中就會重新登場的玉子將軍漢堡+薯蓉,麥當勞的薯蓉又幾好食喎~

逸逸已經大個女,話咗俾佢知登機閘口之後決定俾佢試下帶路。

識得帶住我地去搭無人駕駛列車

禁區內的店舖終於也快將重新開業

下次應該可以探下LEGO機長叔叔了

逸逸成功帶我地嚟到登機閘口喇,叻女﹗

今次因為要搭長途車,特登帶咗SWITCH可以打下機,仲DOWNLOAD定SUPER MARIO 3D WORLD添﹗

9:10PM開始排隊登機

泰航的SAFETY VIDEO係唯美系列,好FANCY~

差不多10PM終於起飛了

泰航的INFLIGHT ENTERTAINMENT麻麻地,去程基本上都揀唔岩有興趣的電影,本來諗住睇《侏羅紀世界:統霸天下》,不過可能因為自1997年的《侏羅紀公園:迷失世界》後都無再睇侏羅紀系列,加上畫質有啲差,所以爛咗尾。

幫逸逸搵咗佢睇過的《DC超寵聯萌》,只有英語對白佢都有興趣睇已經算唔錯,不過因為太眼瞓,加上耳筒唔啱呎吋成日跌,所以睇得好煩躁,依個時候就會諗返國泰有兒童耳機真係好好。

飛機餐都唔太啱逸逸口味,只係隨便食咗少少,對蛋糕完全無興趣。不過都可能同時間有關,依家已經係香港時間10:50PM,食宵夜又邊度食到咁多?

大人的飛機餐都好一般,青瓜有啲苦苦地,點解以前印象中泰航幾唔錯既呢?今次的感覺係情願坐國泰。

食完嘢睇多陣電視逸逸就瞓著咗了

泰國時間11:10PM (香港時間12:10AM) 終於來到泰國的上空。

充滿泰國風情的曼谷機場,雖然已經好夜,不過排隊過關的人都唔少,好彩逸逸大個咗,叫佢起身都OK配合,開頭有點行屍走肉,後來都精神返少少。

上得的士已經係泰國時間12:05AM (香港時間1:05AM),對上一次係曼谷機場搭的士出市區係2018年,依家的士安排上又進步咗,除咗自助取票之外,票上仲印埋司機的樣貌,令旅行更有安全感,唔知係咪因為咁所以今次終於係睇METER計錢呢?上車前司機仲清清楚楚指住的士站各項SIGNAGE講一次所有附加費添﹗

泰國的月亮是橙色的,好像一片柑。

泰國時間12:50AM(香港時間1:50AM)終於來到我們入住的BAIYOKE SKY HOTEL。

酒店LOBBY在18/F,好彩都幾靚,唔似地下個入口咁簡陋。

我地今次遇上泰國的新年,又稱潑水節或宋干節的SONGKRAN FESTIVAL,其中一個儀式就是浴佛,周圍都會看到逸逸身後的這種佛像,信眾可以用前面的水淋洗佛像。

我們的房間在46樓,不過也沒精神看看窗外的景色,洗把臉換套衣服就倒頭大睡了。

Comments

comments

發表迴響

你的電子郵件位址並不會被公開。 必要欄位標記為 *