在酒店SETTLE DOWN，我們又要出發，今天約了妹妹的韓文老師吃晚飯。
妹妹已學韓文多年，近年透過AMAZING TALKER跟韓國老師透過網上練習會話，每個星期網上見面。今次一場來到韓國，妹妹會與老師見面，之前逸逸養蝦仔，包裝上的指導文都是韓文，老師都幫了好多忙，蝦仔孵化之後都特地SEND VIDEO給她看。難得今次有機會見個面，得悉老師會說普通話，溝通完全沒有問題，所以我們也同行了。
今天是來韓國之後第一次搭地鐵，已經無用幾年的韓國八達通要增值先可以ACTIVATE返張咭。
成個明洞地鐵站周圍都係PORORO，原來依家有一個CAMPAIGN叫做ENJOY MYEONG-DONG WITH PORORO，但係上咗明洞地面就完全見唔到PORORO的踪影了。
食飯的地點在鐘閣站1號出口旁邊，睇GOOGLE MAP離明洞只係好近的距離，但係搭地鐵要轉線，轉線要行好遠，逸逸又行得慢，結果用咗接近45分鐘先到達目的地，我們遲到了……
今晚我們在봉우리吃晚餐，是一家吃韓定食的餐廳，是由韓國著名泡菜研究家李夏英老師所經營，曾出現在韓國著名的美食漫畫《食客》入面，而我們今次光顧的分店位於食客村，在這兒經營的餐廳，都曾經在《食客》出現過。
我身旁的就是韓文老師，活潑開朗，而且很健談。
我們點了相見禮正餐6人份，相見禮即是男女結婚之前相方父母見面的場合。
首先送來甜甜的南瓜湯，小朋友最鍾意。
四款小菜都各有特色
用紫菜包生魚片及醃菜
涼拌豆糕條
酸甜炸魚，好脆。
好惹味的辣醬烤魷魚
蒸牛肉、蔥、辣蘿蔔泡菜撈埋一齊食，正！
清爽的鮑魚+濃郁的茄子茸
依碟係兒童餐，有牛肉餅、飯團同埋超甜菠蘿。
明明已經好飽，再上每人一份大醬湯、小菜配飯，即刻令我諗起尹STAY的晚餐。生魷魚泡菜yum yum好正，最後我竟然成份SET食光光。
同尹STAY一樣都有牛肉餅做主菜，不過依個係純牛肉餅，入面沒有包栗子茸。
甜品是紅豆洋羹，水果是超甜菠蘿，最後以一杯好香嘅清茶作結。
成個套餐好精彩，樣樣都好好味，下次再去韓國都心思思想再試韓定食。
老師好客氣，竟然為三個小朋友每人預備了一份禮物，係KAKAO FRIENDS的公仔，小朋友超級開心。
餐廳樓下有靚靚兔仔燈飾
大合照
嘩～下雪了！
明明昨日早上滑雪時一直下著雪，但可能因為太手忙腳亂的關係，今晚才被下雪所感動。
坐地鐵返到明洞仲落緊雪
我們可以延續著下雪帶給我們的感動
今晚臨瞓前飲返罐香甜桃味汽酒嘆返下。