在酒店休息一會兒之後，我們再次出發，搭地鐵去又一城。
已經唔記得幾耐無去過又一城，今次吸引我來的就是多啦A夢未來百貨公司的期間限定店。
本來「未來百貨公司」在卡通入面是多啦A夢訂購道具的地方，「多啦A夢未來百貨公司」就是全球首家多啦A夢官方商店，位於台場，除了售賣多啦A夢精品之外，最特別的就是「秘密道具實驗室」，可以穿越任意門，探訪大雄的房間，還能體驗一下「豆沙餅增生藥水遊戲」，還有另外還有空氣砲、竹蜻蜓等體驗區……我突然諗返起北海道新千歲機場的多啦A夢SKY PARK，以及逸逸看到多啦A夢興奮的樣子。
而今次來到又一城的就是海外首間「未來百貨公司」期間限定店，作為多啦A夢FANS，點都要來潮聖一下﹗
原來「未來百貨公司」期間限定店面積好細，只有賣商品的地方，仲要大排長龍，一場來到都的唔起心肝排隊。
去後面影下相算喇~
商場有手風琴演奏表演，我地企係度聽咗好耐~
逸逸今年升小一，我們打算買部IPAD俾佢做網上功課，今次先去APPLE SHOP熟習下先~
嘩﹗好多雪糕~
以前去又一城食嘢，通常一係就去RAINFOREST CAFE，一係就去AMARONI’S，RAINFOREST CAFE已經撒出香港多年，所以本來好想食AMARONI’S，但要等好耐先有位。國慶日假期商場周圍都係人，我帶住逸逸坐下等待，恆仔出去周圍睇下各餐廳的情況，最後搵到只有八月花不用等位，但緊張程度好似玩拍賣咁，恆仔打嚟問我意願之際，職員就話只係剩返最後一個位，唔要張枱就俾第二個……
八月花的餐牌選擇好少，我們最後點了二人套餐，幸好食物都不錯。
食過晚飯返落去多啦A夢未來百貨公司，雖然人仲係好多，不過終於唔駛再排隊，所以我地都入去好湊下熱鬧。
多啦A夢未來百貨公司展示的都是比較少見的貨品，所以好有趣，不過價錢都好貴，貴到唔捨得買的地步。
好精美的野餐盒。
嘩﹗竟然連營造氣氛樂團的產品都有﹗
磁石唔單止有常見的角色，連爸爸、媽媽、老師、小雄都有，真係好特別。
返酒店之後，我地食埋昨日的生日蛋糕做甜品。