二零二二年八月二十日(星期六)
逸逸幼稚園的好朋友也有迪士尼年票,她們在課堂時自己約好要一齊去迪士尼(本來仲話要住酒店),往年她們的幼稚園都有安排去迪士尼去影畢業相,今年因為疫情取消,唔緊要喇,之前已經一齊影咗畢業相,我地都可以照去迪士尼玩既~
今日有藍天喎~
同學仔要遲少少先到,盡量唔好走到咁遠,我們先去動畫藝術教室學下畫畫。
今日我地學畫PLUTO。
逸逸第一次參加依個動畫藝術教室。
但教學進度太快,逸逸完全跟唔上,令佢有啲沮喪,睇嚟要等大個啲先可以再試。
朋友仔嚟喇~佢地今日約好要一齊著公主裙。
辛苦恆仔一次抱兩個先影到依張相
小朋友自己坐前面玩飛碟好開心~
仲有一齊坐第一行玩小小世界,逸逸話想自己同朋友仔咁樣坐講咗好耐~
跟住我地去睇迪士尼魔法書房,本來朋友仔唔想睇,係逸逸鼓勵下一齊睇,最後睇得非常投入。
跑跑跳跳就好開心
我地係火箭餐廳食午餐,好好彩搵到位可以七個人一齊坐。
估唔到逸逸、朋友仔同埋朋友仔的哥哥都係鐵甲奇兵飛行之旅的FANS。
玩完之後出來落緊雨,即刻轉返入去排隊再玩多次。
三個小朋友有傾有講好開心~
平日逸逸好驚玩小熊維尼歷險之旅,今日有朋友仔陪住一齊坐就唔驚喇~
又因為落雨的關係,玩多次都無問題。
跟進我地來到TOY STORY LAND
兩個小士兵
我地今日玩傘傘可以二人世界,逸逸跟咗朋友仔的媽媽坐,係我地後面。
跟住再玩彈弓狗
我地都係繼續二人世界
食埋甜品就差唔多喇~
同MOANA影相~反正都要遠距離自拍,依家唔駛排隊都影到差唔多的效果。
兩個小公主跟住茉莉公主,剛剛茉莉公主有同佢兩個揮手~
朋友仔要走先,我地一家三口繼續留係迪士尼繼續玩。
轉轉馬
米奇幻想曲
ADVENTURE LAND打下鼓
我地係最近重開的河景餐廳吃晚飯
環境好舒服
食物味道都唔錯,兒童餐有逸逸最鍾意的蕃茄飯,兩個主菜送一JAR蜜桃茶,我另外點的啤酒MANGO LASSI MILKSHAKE IPA都幾特別。
CHEERS~
食完晚飯我地去玩森林河流之旅
晚上去探險特別有氣氛
再去玩埋小飛象
睇埋迪士尼星夢光影之旅,今次好晏先過去所以靠邊站,好處就係無咁迫人,逸逸可以一邊睇一邊跳舞。
真係好耐無試過去迪士尼由朝玩到晚喇~