吃過午飯之後，我們下一個節目係去銀礦灣瀑布。
點解我地唔去海灘玩時就咁好太陽？
根據GOOGLE MAP，行去銀礦灣瀑布要經過村落，其中一段路兩旁掛滿了畫作，成個畫廊咁，好有型。
一邊行一邊同恆仔傾下退休後如果可以搬入村過一啲寧靜和悠閒的生活就好喇~
點解唔見個爆布既？無理由係依個卦？
再望下GOOGLE MAP，我們現在的位置是假銀礦山瀑布的位置，突然發現西邊又有另外一個銀礦灣瀑布的地標，睇嚟我地俾地圖欺騙咗。我即劇向GOOGLE MAP匯報地圖的錯誤，依家已經無咗依個錯誤。
我地唯有行返轉頭。
這兒曾經是梅窩的聖堂，現在成為耶穌聖嬰避靜中心。
好靚既樹根
經過農地，見到好多木瓜以及好大個的冬瓜，仲有好恐怖的稻草人……
終於到喇~
嘩﹗個爆布都算好壯觀喎~
水量都算多
係香港嚟講銀礦灣瀑布都算係一個又靚又容易到達的瀑布。
炎炎夏日企係瀑布旁邊特別清涼。
因為我帶錯路，原本15分鐘的路程，行咗45分鐘，仲要天氣非常熱，估唔到去到目的地時，逸逸竟然同我講：多謝媽咪帶我嚟睇咁靚既瀑布。
我個女真係SWEET到爆~
我地行返條正確的快路返梅窩，途經香港奧運徑，展示了2008年北京奧運會中國金牌運動員的名單，咁奇怪既。
原來梅窩仲有好多景點，不過實在太熱，我地要返去喇~
返到落村口，第一次見到太陽能廢物壓縮箱，上網查一下，原來這是專門為新界或市區外圍一些附近沒有垃圾房或垃圾收集站設施的鄉郊民居使用的設施，以改善因垃圾桶滿載引致的胡亂棄置家居垃圾情況，很不錯的設計呢﹗