首爾平昌冰雪之旅 – DAY 5 – 景福宮韓服體驗

二零二二年十二月三十日(星期五)

今天我們的第一個節目是韓服體驗,約好了妹妹10AM在景福宮附近的韓服店集合,為了讓逸逸多睡一點,我們就繼續享用酒店提供的免費早餐。

我梳洗好就落LOBBY拎早餐,逸逸這時候就慢慢梳洗。早餐的內容跟上次一樣,都是烚蛋、DONUT、朱古力蛋糕以及柑,上次逸逸的胃容量只能吃烚蛋加DONUT,所以今日可以試埋朱古力蛋糕好開心,不過她仍很遺憾吃不下水果。

經過昨晚搭地鐵的經驗,加上韓服店的位置下車後要再行15分鐘,我們決定節省時間直接搭的士過來我們預約好了的3355韓服,搭的士一條大直路就到,車程不用15分鐘,如果搭地鐵再加行路應該要45分鐘。

韓服體驗是由我看到妹妹的行程草稿就說要一齊體驗的項目,KLOOK有各式各樣的韓服體驗PACKAGE,昨晚妹妹上網預訂,有店家已FULLY BOOKED,有店家沒有兒童韓服,又考慮到不會讓小朋友穿韓服吃午餐,最後選擇了3355韓服的兩小時PACKAGE。

三個小朋友一見面就攬埋一堆

我們選擇的是價格較便宜的B類韓服,先選下身,最愛紫色的我只是在煩惱選深紫色還是淺紫色,選好後就請店員幫我配襯合適的上衣,一拼上我就喜歡。

選好後店員就協助我穿上韓服,入面加了紗圈令裙子比較挺身。

之後到小朋友裝身,小朋友的選擇相對比較少,不過粉紅色控逸逸沒有很揀擇,只要是粉紅色就OK,所以最快選定款式。

靚靚~

即場加W5000可以SET埋頭,難得一次著韓服,梗係要喇,可以從幾款髮型自己挑選,依個係逸逸自己揀的,逸逸也乖乖坐定定俾職員幫佢紮辮仔。

SET咗頭真係好靚,成個唔同晒,逸逸不停話自己扮公主呀﹗

我就無花錢SET頭,其實價錢唔貴,只是頗花時間。所以最後由妹妹操刀幫我紮辮,效果都唔錯,好過披頭散髮。

至於男子組方面,阿DAY一聽到恆仔話唔著韓服佢都即刻話唔著,於是今日他們兩個的角色是隨從。

除了韓服之外,仲可以挑選頭飾同埋手袋,本來我猶疑是否帶手袋,最後決定要因為可以放電話,裝扮好就出發喇~

景福宮就在韓服店的對面,我們走路過去。天氣實在太冷,除了在韓服內打底著了保暖內衣之外,也在衣服內貼暖包,未開始影相之前我們都繼續穿著羽絨。

來到景福宮的側門入口,原來穿韓服免費入場,所以兩位隨從就要買票。唔知點解電子售票機唔接受我們的信用咭,職員旁邊的嘟嘟機可接受韓國八達通,但我們的八達通只夠錢買一張票,好彩最後原來嘟嘟機都接受payWave功能的信用咭,如果唔係要行返去正門先買到票就麻煩了,妹妹話另一個OPTION係返韓服店著韓服喎🤣🤣

三個粉紅色的小公主

我覺得依個LOOK好ELEGANT,配埋手袋好靚。最開心係韓國解除咗室外口罩令,可以明正言順唔戴口罩影靚相實在太好了。

我其實唔係第一次著韓服,小時候學跳東方舞時參加比賽就跳過韓國舞,長大後又有一次在聖堂為歡送韓國神父又跳過一次韓國舞,不過今次穿著韓服遊走景福宮,就像韓劇的畫面,一舉手一投足感覺都不一樣。

我與三個小朋友合照

擺埋POSE好似跳舞咁,好可愛~

三位小公主請安

我們由側門入無咁多人,可以影到好多靚相。

有太陽就暖好多

出返嚟主殿個邊就開始見到其他遊客

三個小朋友成日都話點解無得入去參觀

華麗轉身

好生活化的感覺

猜樓梯,唔知以前的公主有無咁樣玩過呢?

文靜的樣子

周圍都是拍照的好地方,不過一來天氣真係好凍,另外小朋友真係企唔定,心入面想拍的都未必能夠成事。

有咁濶的地方可以跳舞真係好開心

難得影到寂靜的一角

五條QUEEN

兩姐妹

跟隨從合照

我身旁的石碑是大臣依照官階站立的位置,恆仔告訴小朋友一年班要排最後的位置,逸逸乖乖企在石碑的旁邊。

好多人都著韓服來景福宮,所以見到好多王同埋王世子。另外,一比較之下,就發現韓服的質量好參差,有些韓服的裙好短,應該是店家怕弄污裙擺,但就變得不好看。

3355韓服的裙好夠長,顏色也很明亮,值得推薦。

小朋友都開始累,著返羽絨慢慢行返韓服店。

今次是我第三次來景福宮,今次的景福宮是拍照的背景,重點是看看那一個角度會拍得有FEEL,是很不一樣的感受。

正門遇上換班儀式,我地睇完先走。

期待住下次可以同逸逸一齊去日本和服體驗。

Comments

comments

發表迴響

你的電子郵件位址並不會被公開。 必要欄位標記為 *