首爾平昌冰雪世界之旅 – DAY 4 – 雪之遊樂場

登上MONT BLANC,這兒沒有山腳那麼多人,雪地也比較鬆軟。

我們也除下口罩呼吸一下新鮮的空氣。

這兒雖然也有少量我們這些只是閒逛的遊人,但大部份都是來滑雪的。

沒想到登上海拔1050m的頂峰都有適合BEGINNER的滑雪道,唔知我要玩幾多次先至可以達到BEGINNER的程度。

今日VALLEY滑雪道封閉,聽說平昌鳳凰滑雪場是人造雪,這個畫面看來是在造雪中。

依度放左好多唔同的影相位俾遊客影相

但係無人俾我影,亦都無人幫我影。

因為大家都掛住玩雪

曉曉詩詩兩姐妹的動作咁整齊既?佢地係度執緊雪。

我地都係地下執雪嘗試整雪球造雪人,但原來想固定雪的形狀唔係咁易,失敗咗。

屋企有一個FROZEN的LEGO,有玩雪球大戰的設施,逸逸成日都話好想玩雪球大戰。今次終於達成咗心願了﹗你睇下佢兩父女個樣幾頑皮﹗

逸逸先攻

恆仔反擊

今日逸逸有得係雪地上面跑跑跳跳,成朝戶外活動都無話過凍。

曉曉詩詩兩姐妹玩鑿雪

我都一嘗瞓係雪上面的滋味,不過應該要沒有人踩過的雪先做到雪天使。

雖然睇唔明韓文,估計係一些行山小徑。妹妹看過資料平昌鳳凰滑雪場有三條山林步道,有三條路線,需時80分鐘至160分鐘不等,起初也有計劃搵一條行下,不過來到現場就知道舖滿雪的山路應該行唔到。

這兒還有一個積滿雪池塘

雖然無水,但係橋上面影下相都幾靚~

今次最大的遺憾是滿足唔到逸逸另一個願望 – 就係砌雪人。原來砌雪人唔係咁易,下次再去玩雪之前要睇YouTube學下。

不過,要製作這種小小的雪人我就已經知道方法,我們看到有小朋友拿著一種雪人形狀的塑膠夾,類似我們的玩沙工具,只要將雪放入去一壓即成,回港後看RUNNING MAN時也看到。後來我再上網SEARCH一下,只要輸入關鍵字「雪人製作神器」來搜尋,就可以在淘寶搵到大量的玩雪玩具,下次再去玩雪就識點做了。

山頂其實還有一個小食亭,根據RITA同DAY探子回報,那兒有水有煲有爐,係俾你自己煮麵食的地方,地方有點狹窄,如果坐不到靠窗的觀景位置,不是吃午餐的好地方,於是我們就搭吊車返回山腳。

滑雪場大樓入面有自助餐廳,也有快餐。

我們在滑雪場的美食廣場光顧LOTTERIA吃漢堡。

吃午餐喇~

我們大人吃韓牛BURGER,套餐配汽水及炸芝士條,小朋友就食炸雞塊,也分享少少漢堡和炸芝士條。

逸逸早就對麥樂雞產生抗拒,但她卻吃LOTTERIA的炸雞塊吃得津津有味。

再見喇~平昌鳳凰滑雪場﹗我在返回CHECK-IN LOBBY取行李時在雪地跌了一跤,超級痛,還瘀了一大片,果然滑雪褲的保護力真係好強,昨天滑雪時跌了很多次都無事。

我們乘搭3;07PM的火車返回首爾,度假村的免費接駁巴士的時間不太配合火車的班次,所以我們找酒店職員幫我們CALL的士去平昌火車站。

跟平昌冬季奧運會吉祥物拍照。

我們在火車站發現了沒有被踩過的新雪,妹妹稱之為完美雪。

腳眼咁深,不過同當年係北海道登別伊達時代村不慎踩到了及腰的初雪相比,這兒的積雪只是小兒科。

第一次踩新雪的逸逸興奮到傻咗,瘋狂亂跑。

等曉曉同大家解釋一下完美雪

結果搞到雪入晒隻鞋,仲要凍傷咗,痛到呱呱叫!連路都話痛到行唔到,要即刻塗濶膚膏舒緩一下。

在火車站商店買啲熱飲暖返個身。

逸逸一上火車就立即倒頭大睡。

瞓醒覺再同曉曉玩一陣就到了。

首爾站的聖誕樹

我們坐的士到我們住的酒店明洞SKYPARK III,今天的車資是早兩天由酒店到首爾站的一倍價錢,如果司機不是一直開着GPS,我可能會誤以為他繞遠路呢!

Comments

comments

發表迴響

你的電子郵件位址並不會被公開。 必要欄位標記為 *