上海菜飯 Posted on 2022-09-19 由 Catherine 逸逸唔係太鍾意中式煮菜的食法,但食上海菜飯就會乖乖成碗連菜都食埋,所以決定試下自己係屋企整上海菜飯,結果大成功,好食到逸逸話要添飯呀﹗ 材料: 白米 1.5杯 雞湯 按飯煲煮飯指引 小棠菜/白菜 4兩 金華火腿 1隻麻雀SIZE 薑 2片 橄欖油 1茶匙 做法: 將金華火腿及小棠菜切碎。 白米洗淨後,放入電飯煲,加入雞湯,開始煮飯。 用中火燒熱鑊,加少許油,加入薑片炒香,加入金華火腿炒香,加入小棠菜炒勻。 飯熟時,加入金華火腿、小棠菜及橄欖油拌勻,即成。 Comments comments