二零二二年七月二十三日(星期六)
逸逸終於完成了幼稚園畢業禮,我地終於可以大放縱了﹗
今日天氣超級熱,有成35度呀﹗
一入場就遇上PIXAR水花大街派對
其實都係熟悉的花車,不過今次噴水好強勁,大熱天時特別HIGH﹗
咁樣俾支水槍射住,唔濕真係無可能。
成身濕晒真係好爽~
跟住我地去玩小小世界繼續涼快
然後係IRONMAN發夢
坐上飛碟真係好熱
森林河流之旅
經過獵頭族逸逸真係好驚,好好保護住自己個頭。
依個叔叔打鼓好好聽,可惜知音人不多,不過有逸逸支持,叔叔應該都好開心既。
坐底食下雪條消下暑
今次到我地射人地水,後來先知道原來對面係我個FRIEND阿JOYCE個仔仔。
雖然大水桶好刺激,不過我地無帶衫,遠觀好喇~
係迷離莊園影下趣怪相
彈弓狗
係《光年傳奇》入面巴斯光年隻機械寵物襪仔呀,好可愛,逸逸愛不釋手,咁同佢影張相喇~
又要消暑,今次食菠蘿沙冰,正﹗
食完剛剛好可以睇「反斗奇兵水兵特訓班」。
首先學左基本動作
跟住小士兵就出去參加演習喇~睇住班小朋友係出面跑嚟跑去真係好可愛。
森林打鼓
又玩水,仲要特別睇住邊到有水噴出嚟即刻跑過去~
臨走飲返杯梅子蜜糖湯力冷萃咖啡,係好清涼,不過梅子味太強,唔係太鍾意~