二零二二年二月八日(星期二)
去年12月帶逸逸去了第一次露營，大家都玩得好開心，愛上了這個親親大自然的活動，於是急不及待的就預約了農曆新年假期再去玩多次，今次仲預埋爸爸媽媽添﹗
根據上次的經驗，我地今次添置了不少新裝備，新帳幕、新枱、設備掛架、燈、廚具……好期待可以試新嘢。本來諗過爸爸媽媽可以租用裝備，但要出去市區借用和歸還實在太麻煩，最後去了迪卡儂買了入門版設備，以便宜的價錢體驗一下露營，桌椅及其他工具就由我們提供。
天有不測之風雲，沒想到疫情已經處於半年以上的穩定期，1月份突然來勢洶洶，連拜年都被迫取消，究竟仲去唔去露營好呢？不過諗到我地預訂的是獨立營位，而且空間十足，最後決定繼續成行。
今次我們的營地是27及28號，係兩個相鄰的長方形。
今次有經驗，SET嘢時先拎枱櫈出來，逸逸就算用I-PAD睇卡通片都係可以親親大自然同埋呼吸新鮮空氣。(留意下逸逸後面的矮長枱同埋設備掛架都係新買的)
場主叔叔話認得逸逸嚟過，仲請逸逸食朱古力添﹗
幫爸爸媽媽手起營
今次帶咗鎚仔，兩下手勢就落到釘；無落雨太陽又唔曬唔駛起天幕，好快就SET好晒啲嘢可以開始玩。
爸爸媽媽因為有車，連枕頭都帶埋嚟，好羨慕，我地架車已經塞爆咗喇~
兩公孫今日好FRIEND
條繩可以用來跳繩，又可以用來扯大纜。
爸爸媽媽同逸逸周圍散下步
今日大草地無人BOOK，可以任跑~
兩公孫一齊LEE係個營入面睇FROZEN
又出嚟坐下傾下計
食零食
攤抖下
同上次的手忙腳亂相比，今次真係唔同境界~
仲可以嘆杯啡添~
休息沒多久逸逸又纏住公公打羽毛球
嚟多次扯大纜，依一場係熊(洪 – 爸爸)和羊(楊 – 逸逸)與鷹(英 – 媽媽)的決鬥。
晚餐由我們負責，今晚我地打邊爐，預備咗好多食物，有牛、雞、帶子、蚌、丸、響鈴同埋公仔麵，最遺憾係竟然漏咗包菜同金菇係雪櫃唔記得帶嚟，因為疫情關係依家啲菜好矜貴架。另外，當然唔少得開枝紅酒，邊食邊飲喇~
野外打邊爐特別有風味，食得好飽~
打完邊爐仲有飯後果，係草地坐下傾下計好開心。
食飽飽就人去樓空，我陪逸逸預備瞓覺，留返恆仔去洗碗。
安靜的晚上，可惜雲層好厚，睇唔到星星。
預備瞓覺喇~
大約半夜12點半，恆仔突然叫我出去望下，竟然見到滿天星星，真係好靚。我即刻過去隔離營叫醒爸爸媽媽一齊欣賞。
躺在地球表面睇星星，係咪好浪漫呢~