二零二一年十一月十九日(星期五)
今天是逸逸學校的教師發展日，往年早就跳上飛機來一個LONG WEEKEND；今年因為疫情關係無得飛，都拎日大假一家人出去玩下。上次去西九文化區看展覽時，就說過要學人地對住個維港景野餐，今次機會嚟喇~
為咗今次野餐，特地買了一架摺疊式購物車，可以放食物，仲可以成為逸逸的座駕。
我們泊車係ELEMENTS，然後就走路過來西九文化園區，拎住咁多嘢都幾遠路，下次都係考慮搭小巴過來比較好。沒想到只是一個平日的星期五，來野餐的人是意想不到的多，好不容易才找到一個好位置落腳。
今日預備咗三文治、腸仔蛋、水果和零食，開餐喇~
嘆酒已經成為野餐不可缺少的一部分，望住個維港VIEW飲紅酒真係超正，最可惜就係爭左個藍天。
今次買咗啫喱仔嚟食，無諗過原來對小朋友來說這是需要滿多技巧的食物，逸逸唔係好搞得掂。
好多雀仔嚟搵食，用麵包皮餵雀仔成為逸逸今次野餐的重要回憶。
人地玩泡泡逸逸又去追埋一份
有得跑下就好開心。
跑完又行下海傍影下相
維多利亞港就係逸逸大舞台的無敵佈景
又碌下草地
恆仔趁機試下為咗去露營而添置的營燈
聖誕節就快到了
又係草地踢下波
零食係可以由天光食到天黑架~
我地就係特登要玩到天黑，欣賞埋美麗的維港夜景。
靚靚全家幅
回程時經過新開的M+，遲些真係要搵機會來參觀一下。